ووردەکاری هێرشە درۆنییەکەی سەر کەشتی ئیسرائیلی لە سەر زاری ئەمریکا + وێنە
ئەمریکا رایگەیاندووە، دوای دۆزینەوەی پارچەیەکی ئەو فڕۆکەیە و ئەنجامدانی پشکنینەکان، بۆیان دەرکەوتووە کە فڕۆکە ئینتحاریەکە دروست کراوی ئێرانە.
هەواڵەکانی جیهانی ئیسلام: فەرماندەیی ناوەندی ھێزەکانی ئەمریکا (CENTCOM) لە ٢٩ی تەمووز دا ئەنجامی لێکۆڵینەوەی لەبارەی هێرشەکەی سەر کەشتی ئیسرائیلی لە دەریای عومان بڵاوکردەوە و رایگەیاند کە ئێران بە بەکارهێنانی سێ فڕۆکەی بێ فڕۆکەوان کەشتیە ئیسرائیلیەکەی کردۆتە ئامانج.
بە گوێرەی راگەیەندراوی ئەم ناوەندە، لە ٢٩ی تەمووز دا بە دوو فڕۆکەی بێ فڕۆکەوان هێرش کراوەتە سەر کەشتی ئیسرائیلی کە هێرشەکە شکستی هێناوە. ئەم ناوەندە هەروەها بڵاویکردۆتەوە لە هێرشێکی دیکە دا لە ٣٠ی تەمووز، فڕۆکەیەکی بێ فڕۆکەوانی ئینتحاری کەشتی “MERCER STREET” ی ئیسرائیلی کردۆتە ئامانج کە لە ئەنجامدا دوو کەس کوژراون. لە ئەنجامی ئەم هێرشە هەروەها کونێکی گەورەی یەک مەتر و هەشتا سانتیمەتری لە کابینەی کابتنی کەشتیەکە دروست بووە و زیانێکی زۆر بە کابینەکە گەیشتووە.
ئەمریکا هەروەها رایگەیاندووە، دوای دۆزینەوەی پارچەیەکی ئەو فڕۆکەیە و ئەنجامدانی پشکنینەکان، بۆیان دەرکەوتووە کە فڕۆکە ئینتحاریەکە دروست کراوی ئێرانە. ئەم لێکۆڵینەوانە لە بارەگای پێنجەمی دەریایی ئەمریکا لە مەنامە پایتەختی بەحرەین ئەنجام دراوە.
لێدوانەکان