وڵاتانی ئیمارات، بەحرەین و مەغریب داوای چەکی پێشکەوتوویان لە رژێمی زایۆنیستی کردووە

سێ شه‌ممه‌ 29 ئازار 22 - 12:55
https://kurdish.iswnews.com/?p=9431

هەواڵەکانی جیهانی ئیسلام؛ میدیاکانی رژێمی زایۆنیستی لە داوای هەندێک لە وڵاتانی عەرەبی بۆ کڕینی چەک لە رژێمی زایۆنیستی هەواڵیان دایەوە.

وڵاتانی ئیمارات، بەحرەین و مەغریب داوای کڕینی سیستەمی بەرگری ئاسمانییان لە ڕژێمی زایۆنیستی کردووە.

بەپێی هەواڵێکی ئاژانسی ڕوسیا ئەلیۆم، سەرچاوەکانی ڕاگەیاندنی عیبری زمان ڕایانگەیاندووە کە ئەم وڵاتانە داوایان لە ڕژێمی زایۆنیستی کردووە چەک و کەلوپەلی جەنگیان بۆ دابین بکات و تەلئەبیبیش خەریکی هەڵسەنگاندنی بابەتەکەیە.

سەرچاوەکانی هەواڵی ڕژێمی زایۆنستیش ڕایانگەیاندووە کە بەحرەین و ئیمارات بە دوای کڕینی “قوبەی ئاسنین” و سیستەمی ڕاداری ئاگادارکردنەوەی خێرای “سنەوبەری سەوز” و هەروەها سیستەمی دژە موشەکییەکانی “حیتس” دا دەگەڕێن.

بەرپرسێکی ئەمنی تەلئەبیب ڕایگەیاند کە داوای کڕینی”قوبەی ئاسنین” بۆ کۆمپانیا سەرەکیەکانی بەرگری ئەمنی ڕژێمی زایۆنیستی و دوو کۆمپانیای بچووکتر هاتووە و دەربڕینی رەزامەندی بۆ ئەم داوایانەش پەیوەستە بە بڕیار و ڕای وەزارەتی جەنگی ئەم رژێمە.

بڵاوبوونەوەی ئەم هەواڵە لە کاتێکدایە کە وەزیرانی دەرەوەی چوار وڵاتی میسر، ئیمارات، بەحرەین و مەغریب کۆبوونەوەکەیان بە ئامادەبوونی یایر لاپید وەزیری دەرەوەی ڕژێمی زایۆنیستی و ئەنتۆنی بلینکن وەزیری دەرەوەی ئەمریکا لە ناوچەی داگیرکراوی نەقب ئەنجام دابوون.

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

رێکلام لە هەواڵەکانی جیهانی ئیسلام