وەزیری دەرەوەی ئێران گەیشتە دیمەشق

چوار شه‌ممه‌ 23 ئازار 22 - 15:14
https://kurdish.iswnews.com/?p=9092

هەواڵەکانی جیهانی ئیسلام؛ وەزیری کاروباری دەرەوەی ئێران بە یاوەری شاندێکی باڵای ئەو وڵاتە بۆ دیدار و گفتوگۆ لەگەڵ بەرپرسانی باڵای سووریا گەیشتە دیمەشق.

بەیانی ئەمڕۆ حوسێن ئەمیرعەبدوڵڵاهیان وەزیری دەرەوەی ئێران بۆ دیدار و گفتوگۆ لەگەڵ بەرپرسانی سووریا، لە تاران بەرەو ئەو وڵاتە بەڕێکەوت.
بڕیارە ناوبراو لە سەردانەکەیدا لە گەڵ گەورە بەرپرسانی سوریا لەبارەی پەرەپێدانی هاوکارییە دووقۆڵییەکان و پێشهاتە ناوچەیی و نێودەوڵەتییەکان کۆببێتەوە.

فەیسەڵ میقداد وەزیری دەرەوەی سووریا لە دیمەشق پێشوازی لە ئەمیرعەبدوڵڵاهیان کردەوە. میقداد رایگەیاند: ئێمە جەخت لە بەردەوامی و پتەوکردنی پەیوەندییەکانمان لەگەڵ ئێران و وڵاتانی عەرەبی دەکەینەوە. هەماهەنگی نێوان سوریا و ئێران لە هەر دوو ئاستی ناوچەیی و نێودەوڵەتیدا بەردەوامە و دووپاتی دەکەینەوە کە لەگەڵ ئێران دەمێنینەوە.

شایانی باسە ئەمە سێیەم سەردانی فەرمی ئەمیرعەبدوڵڵاهیانە بۆ سوریا لەو کاتەوە کە بووەتە وەزیری دەرەوەی کۆماری ئیسلامی ئیران.

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

رێکلام لە هەواڵەکانی جیهانی ئیسلام