پێشهاتەکانی سوریا، ٩ی شوباتی ٢٠٢٢
هەواڵەکانی جیهانی ئیسلام؛ لە ئەنجامی هێرشێکی داعش بۆ سەر خاڵێکی پشکنینی هێزەکانی سوریای دیموکرات لە گەڕەکی غوێرانی حەسەکە، دوو کەس لەو هێزانە کوژران.
١- حەلەب:
-دەوریەی هاوبەشی هێزەکانی پۆلیسی سەربازی روسیا و سوپای تورکیا لە ناوچەی کۆبانێ بەڕێوەچوو.
-بە هۆی تەقینەوەی ئۆتۆمبێلێکی بۆمرێژکراو لە نزیک شاری جرابلەسی پارێزگای حەلەب، سێ چەکداری سەر بە تورکیا کوژران.
-درۆنەکانی تورکیا بنکەیەکی هێزەکانی سوریا دیموکرات -یان لە نزیک شاری منبج کردە ئامانج.
٢-ئیدلب:
-پێگەکانی چەکداران لە نزیک شارۆچکەی “البارە” لە باشوری ئیدلب کرایە ئامانجی هێرشێکی تۆپخانەیی سوپای سوریا.
-دوو کەس لە هێزەکانی سوپای سوریا لە میحوەری ئیدلب لەلایەن چەکدارانەوە کوژران.
٣-سوەیدا:
خۆپیشاندانی ناڕەزایەتی لە شاری سوەیدا بە هۆی گرانی، گەندەڵی و بارودۆخی خراپی ئەمنی دژی حکومەتی سوریا ئەنجام درا.
٤-دێرەزور:
لە هێرشێکی تیرۆریستانی داعش بۆ سەر خاڵێکی پشکنینی هێزەکانی سوریای دیموکرات لە ڕۆژھەڵاتی دێرەزور، دوو کەس لە هێزەکانی قەسەدە کوژران.
٥- حەسەکە:
لە ئەنجامی هێرشێکی داعش بۆ سەر خاڵێکی پشکنینی هێزەکانی سوریا دیموکرات لە گەڕەکی غوێرانی حەسەکە، دوو کەس لەو هێزانە کوژران.
٦- رەقە:
-بۆردومان کردنی پێگەکانی داعش لە ناوچەی رەسافەی باشوری رەقە لەلایەن فڕۆکە جەنگییەکانی ڕوسیاوە.
-چەند کەسێکی نەناسراو خاڵێکی سنووری تورکیا لە ڕۆژئاوای شاری “تل ابیض”یان بە دوو موشەک کردە ئامانج.
وەک دەوترێت ئەم هێرشە لەلایەن هێزەکانی قەسەدە و وەک وەڵامدانەوەیەک بە هێرشە فڕۆکە بێ فڕۆکەوانی تورکیا ئەنجام دراوە.
٧- ناوەندی ئاشتی پارێزی روسیا لە سوریا رایگەیاند: چەکداران ٣ جار ئاگربەست -یان لە پارێزگای ئیدلب پێشێل کردووە.
لێدوانەکان