ڕێکەوتنی نوێی ئەلیڤ و پاشینیان بە نێوەندگیری پۆتین

یه‌ك شه‌ممه‌ 28 تشرینی دووه‌م 2021 - 15:12
https://kurdish.iswnews.com/?p=4314

هەواڵەکانی جیهانی ئیسلام؛ ڕۆژی هەینی کۆبوونەوەی سێ لایەنانەی سەرۆکانی روسیا و کۆماری ئازەربایجان و ئەرمینیا لە سۆچی ڕوسیا بەڕێوەچوو و لایەنەکان دوای دانوستانەکان لەسەر کەمکردنەوەی گرژییەکان و چارەسەرکردنی ناکۆکییەکان ڕێکەوتن.

کۆبوونەوە سێ قۆڵیەکە لە کاتێکدایە کە هەفتەی ڕابردوو پێکدادانی خوێناوی لە نێوان ئازەربایجان و ئەرمینیا لە سنووری هەردوو وڵات ڕوویدا و بە هۆیەوە زیانی گیانی گەیشتە هێزە سەربازییەکانی هەر دوو وڵات.

ئەوەی لە ئەنجامی کۆبوونەوەکە و لێدوانی لایەنەکان دیارە، کردنەوەی ڕێگاکانی هاتووچۆ و دیاریکردنی سنوورەکان، دوو بابەتی سەرەکی بوون کە لە کۆبوونەوەکەدا بەجدی بەدواداچوونیان لەسەر کراوە و لەسەری ڕێککەوتوون.
لە گفتوگۆکانی سۆچیدا هەردوولا هاوڕابوون لەسەر دامەزراندنی لیژنەیەکی دوولایەنە لەسەر دیاریکردنی سنوورەکانی هەردوو وڵات و هەروەها چارەسەرکردنی بەربەستەکانی بەردەم کردنەوەی ڕاڕەوەکان بەهاوکاری ڕوسیا. تەوەرێکی تری کۆبوونەوەکە هەروەها ڕێککەوتن بووە لەسەر کۆتایی هێنان بە تەواوی ناکۆکییەکانی نێوان هەر دوو لایەن و ڕێگرتن لە دروستبوونەوەی شەڕێکی تر لە قەرەباغ.

هەر سێ سەرۆکایەتیەکەی ڕوسیا و کۆماری ئازەربایجان و ئەرمینیا ئەنجامی کۆبوونەوەکەیان بە ئیجابی هەڵسەنگاندووە و گەشبینی خۆیان بۆ جێبەجێکردنی ڕێککەوتنەکەی نێوان هەر دوولا دەربڕیووە.

ئەمە لەکاتێکدایە کە هێشتا هیچ زانیاریەکی ورد دەربارەی چۆنیەتی جێبەجێ کردنی ڕێکەوتنەکە رانەگەینراوە و وردەکارییەکانی جێبەجێکردنیشی نادیارن.
بارودۆخی ناگۆرنو-قەرەباغ، کە کۆنترۆلی بەشێکی زۆری لە دوای شەڕی ساڵی ڕابردوو تا ئێستا لە ژێر دەسەڵاتی ئەرمەنیەکاندایە و ئیلهام ئەلیڤ ئەو ناوچانەی بەشێکی خاکی ئازەربایجان دەزانێت و دان بە مافی خۆبەڕێوەبەری ئەرمەنییەکان دانانێت؛ ڕاڕەوی تایبەتی زەنگزور و هەوڵەکانی ئەلیڤ بۆ بەدەستهێنانی و ئەگەری داگیرکردنی خاکی ئەرمینیا و هەروەها دیارنەبوونی چارەنووسی ناوچە داگیرکراوەکان لە خاکی هەر دوو وڵات وەک ئارتوساشن و بەشەکانی قزاق بەشێک لەو کێشە گرنگانەن کە داهاتووی ڕێککەوتنەکە دەخاتە مەترسییەوە.

دەقی ڕێککەوتننامەی سۆچی لە نێوان ڕووسیا و ئازەربایجان و ئەرمینیا
بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *