هێرشی فڕۆکە بێفڕۆکەوانی ڕووسیا بۆ سەر ئۆکرانیا؛ کارگەیەکی ٤ هەزار مەتری بە ئاگری فڕۆکەی بێفڕۆکەوانی شاهێد ١٣٦ سووتا! (ڤیدیۆ)
هەواڵەکانی جیهانی ئیسلام؛ سەرلەبەیانی ئەمڕۆ سوپای ڕووسیا بە ١٢ فڕۆکەی بێفڕۆکەوانی خۆکوژی شاهێد ١٣٦ هێرشی کردە سەر پێگەکانی هێزەکانی ئۆکرانیا لە شارەکانی کیێڤ و دنیپرۆپترۆڤسک.
بەرەبەیانی ئەمڕۆ ٢٨ی ئازار، سوپای ڕووسیا بەلایەنی کەمەوە بە ١٢ فڕۆکەی بێفڕۆکەوانی خۆکوژی شاهێد ١٣٦ هێرشی کردە سەر پێگەکانی هێزەکانی ئۆکرانیا لە پارێزگاکانی کیێڤ و دنیپرۆپترۆڤسک.
بەگوێرەی فەرماندەیی هێزی ئاسمانی ئۆکرانیا، ئەم هێرشە لە باکوور و باشووری ڕۆژهەڵاتی ئۆکرانیا ئەنجامدراوە و سیستەمی بەرگری ئاسمانی ئۆکرانیا توانیوە ١٢ فڕۆکەی بێفڕۆکەوانی شاهێد ١٣٦ی خۆکوژ و یەک فڕۆکەی بێفڕۆکەوانی گرانات ٤ تێکبشکێنێت.
سەرەڕای ئەم بانگەشەیە، لە گرتە ڤیدیۆییە بڵاوکراوەکاندا، تێکشکاندنی فڕۆکەیەکی بێفڕۆکەوان لە ئاسمانی کیێڤدا دەردەکەوێت و لە گرتە ڤیدیۆییەکانی دیکەشدا چوار فڕۆکەی بێفڕۆکەوان لە کیێڤ و دوو فڕۆکەی بێفڕۆکەوان لە شاری دنیپرۆ بەسەرکەوتوویی ئامانجەکانیان پێکاوە.
بەپێی هەواڵی میدیاکانی ئۆکرانیا، لە ئەنجامی هێرشی یەکێک لە فڕۆکە بێفڕۆکەوانەکان لە شاری دنیپرۆ ئاگرێکی بەرفراوان بە ڕووبەری ٤ هەزار مەتری چوارگۆشە لە کارگەیەکدا کەوتووە کە دواجار کۆنتڕۆڵ کراوە.
ئەم هێرشە دەکرێت بە شەشەمین ئۆپەراسیۆنی بەرفراوانی سوپای ڕووسیا بۆ سەر ئۆکرانیا لە ساڵی ٢٠٢٣ دابنرێت.
لێدوانەکان