ئۆپەراسیۆنی دژە ئیسرائیلی لە کەرتی ڕۆژئاوا + ڤیدیۆ
هەواڵەکانی جیهانی ئیسلام؛ لە ئەنجامی ئۆپەراسیۆنی سێ فەلەستینی لە نزیک ئەریحا لە کەرتی ڕۆژئاوا، زایۆنیستێک کوژرا و چواری دیکەش بریندار بوون.
سێ گەنجی فەلەستینی ئێوارەی ئەمڕۆ دووشەممە لە نزیک ئەریحا تەقەیان لە ئۆتۆمبێلێکی زایۆنیستی کرد و لەم ئۆپەراسیۆنەدا کەسێکی ئیسرائیلی کوژرا و چواری دیکەش بریندار بوون. ئەنجامدەرانی ئۆپەراسیۆنی تەقەکردنەکە لە نزیک ئەریحا ئاگریان لە ئۆتۆمبێلەکەیان بەردا و دوای ئۆپەراسیۆنەکە لە شوێنی ڕووداوەکە هەڵهاتن.
سوپای زایۆنیستی ڕێگاکانی بەرەو ئەریحایان داخستووە و تا ئێستا نەیتوانیوە ئەو کەسانە بدۆزێتەوە. چەند خولەکێک دوای ڕووداوەکە، فڕۆکە بێفڕۆکەوان و هەلیکۆپتەرەکانی ڕژێمی ئیسرائیل لە ئاسمانی کەمپی عەقەبە جبر لە ئەریحا ئۆپەراسیۆنی گەڕان و پشکنینیان دەستپێکردووە.
لەم بارەیەوە بزووتنەوەی جیهادی ئیسلامی وێڕای پیرۆزبایی لە ئۆپەراسیۆنی فەلەستینیەکان لە ئەریحا، دەستخۆشی لە ئەنجامدەرانی ئەم ئۆپەراسیۆنە کرد و داوای بەردەوامیی ئۆپراسیۆنەکانی دژە ئیسرائیلی بۆ لێدانی گورزی قورس لە داگیرکەران بەهۆی تاوانەکانیان لە دژی گەلی فەلەستین کردەوە.
لێدوانەکان