دەسەڵاتی فەلەستین بڕیاری تەلئەبیبی بۆ هەڵوەشاندنەوەی ڕەگەزنامەی دیلەکانی فەلەستینی شەرمەزار کرد
هەواڵەکانی جیهانی ئیسلام؛ وەزارەتی دەرەوەی دەسەڵاتی خۆبەڕێوەبەری فەلەستین کاردانەوەی لەبەرامبەر بڕیاری ڕژێمی زایۆنیستی بۆ هەڵوەشاندنەوەی ڕەگەزنامە و ئیقامەی دیلەکانی فەلەستینی نیشان دا.
وەزارەتی دەرەوەی دەسەڵاتی خۆبەڕێوەبەری فەلەستین لە بەیاننامەیەکدا هەوڵی کنێستی زایۆنیستی بۆ دەرکردنی کۆمەڵێک یاسای ڕەگەزپەرستانە لەوان هەڵوەشاندنەوەی ڕەگەزنامە و ئیقامەی دیلەکانی فەلەستینی بە مەترسیدار ناوبرد.
لەم بەیاننامەیەدا هاتووە کە سەپاندنی ئەم جۆرە یاسایانە کردەوەیەکی مەترسیدار و گرژی دروستکەر، جۆرێکە لە سزادانی بەکۆمەڵ و پەرەسەندنی کردەوەی ڕەگەزپەرستانە دژی هاووڵاتیانی فەلەستینی، هەروەها پێشێلکردنی ئاشکرای یاساکان و ڕێککەوتننامەکانی جنێڤە.
بەگوێرەی ڕاپۆرتی ماڵپەڕی هەواڵی “سما”، وەزارەتی دەرەوەی دەسەڵاتی فەلەستین هەروەها داوای لە کۆمەڵگەی نێودەوڵەتی و نەتەوە یەکگرتووەکان و ڕێکخراوە نێودەوڵەتییەکانی دیکە کردووە، دەستبەجێ دەستوەردان بکەن بۆ ڕاگرتنی پەسەندکردن و جێبەجێکردنی ئەو یاسایانە.
لێدوانەکان