ئۆکرانیا: دوایین دۆخی مەیدانی لە بەرەی سۆڵدار، سێشەممە، ١٧ی کانونی دووەمی ٢٠٢٣
هەواڵەکانی جیهانی ئیسلام؛ لە درێژەی ئۆپەراسیۆنی سوپای ڕووسیا لە میحوەری سۆڵدار، ڕێڕەوی لۆجستیکی سوپای ئۆکرانیا لە باخموتەوە بۆ سیڤێرسک پچڕا.
هێزەکانی سوپای ڕووسیا گوندی سۆل (سیل) و وێستگەی شەمەندەفەری سیلیان لە باکووری شاری سۆڵدار کۆنتڕۆڵ کرد. بەو پێشڕەوییە ڕێگای باخموت-سیڤێرسک بە تەواوی پچڕا و بەم شێوەیە سوپای ئۆکرانیاش ڕێڕەوی لۆجستیکی لەدەست دا.
ئەم وێستگەیە بە ناوەندێکی گرنگی گواستنەوە دادەنرا و کۆنتڕۆڵکردنی، پەیوەندی ڕاستەوخۆی نێوان شارۆچکەکانی باخموت و سیڤێرسکی ناهێڵێت کە دوو خاڵی سەرەکی هێڵی بەرگری هێزەکانی ئۆکرانیان لە باکووری پارێزگای دۆنێتسک.
لە ئێستادا پێشڕەوی هێزەکانی ڕووسیا لەم میحوەرەدا بە درێژایی ڕێگای باخموت – سیڤێرسک بەردەوامە. گوندی کراسنۆپۆلیوکا لە باکووری سۆڵ و ناوچەی بلاهودانتێ لە باشوور ئامانجی داهاتووی هێزەکانی ڕووسیان. شەڕ و پێکدادانی قورس لە نێوان سوپای ئۆکرانیا و ڕووسیا لە ناوچانە ئاماژە پێکراوەکان بەردەوامە.
هەروەها شەڕ و پێکدادانەکان لە باکووری پیدگۆرۆدنە لە کراسناگۆرا و نزیک پاراسکۆڤیکا بەردەوامە. گرتنەوەی ئەم دوو ناوچەیە پڕۆسەی گەمارۆدانی شاری باخموت لە باکورەوە تەواو دەکات.
لێدوانەکان