فەڵەستین زیندووە / ئاساییکردنەوەی پەیوەندییەکانی عەرەبی – زایۆنیستی دینارێک بایەخی نییە
![](https://kurdish.iswnews.com/wp-content/uploads/2023/01/1015748884MIR16420.jpeg)
وەزیری دەرەوەی کۆماری ئیسلامی ئێران لە کۆبوونەوەی لە گەڵ سەرکردە فەڵەستینییەکان لە دیمەشق بە ئاماژە بە دەستبەکاربوونی بنیامین نتانیاهۆ وتی کە گۆڕینی ناو و ڕواڵەتەکان شتێک ناگۆڕێت و فەڵەستین زیندووە و ئاساییکردنەوەی پەیوەندییەکانی عەرەبی – زایۆنیستی دینارێک بایەخی نییە.
حوسێن ئەمیر عەبدوڵڵاهیان وەزیری دەرەوەی کۆماری ئیسلامی ئێران لە درێژەی سەردانەکەی بۆ شاری دیمەشق، لە گەڵ ژمارەیەکی بەرچاو لە بەرپرسان و سەرکردەی گرووپە جیاجیاکانی فەڵەستین کۆبووە.
ناوبراو بەڕێوەچوونی کۆبوونەوەکەی لە پایتەختی سوریا بە پیشاندەری یەکڕیزی و یەک هەڵوێستی لە بەرامبەر دۆسیەی فەڵەستین ناو برد.
وەزیری دەرەوەی کۆماری ئیسلامی ئێران وتی: فەڵەستین و قودسی پیرۆز وەک پرسی یەکەمی جیهانی ئیسلام دەمێنێتەوە و تا کاتێک حکومەتی سەربەخۆی فەڵەستین لە سەرتاسەری خاک و نیشتمانی مێژوویی فەڵەستین بە پایتەختی قودسی پیرۆز پێک نەهێندرێت، فەڵەستین بەردەوام وەک پرسی یەکەمی جیهانی ئیسلام دەمێنێتەوە.
ئەمیر عەبدوڵڵاهیان وتی: ئەمریکا و هاوپەیمانەکانی ساڵانێکی زۆرە لە ڕێگای پلانە جیاجیاکانی وەک ئۆسلۆ، ڕۆژهەڵاتی ناوەڕاستی نوێ، ڕۆژهەڵاتی ناوەڕاستی گەورە، گرێبەستی سەدە و ڕێکەوتنی ئابراهام هەوڵی بەلاڕێدابردنی ئەم پرسەیان داوە بەڵام گەل و خۆڕاگریی فەڵەستین بە یەکڕیزی سەرجەم ئەو پلانەیان خستووەتە زبڵدانی مێژووەوە.
ناوبراو وتی کە پرۆسەی شمشێری قودس ئەوەی پیشانیدا کە خۆڕاگری و فەڵەستین زیندووە.
ئەمیر عەبدوڵڵاهیان وتی: تەنانەت لە مۆندیالی قەتەر ئەوە پیشاندرا کە فەڵەستین زیندووە و ئاساییکردنەوەی پەیوەندییەکانی عەرەبی – زایۆنیستی دینارێک بایەخی نییە.
وەزیری دەرەوەی کۆماری ئیسلامی ئێران بە ئاماژە بە هاتنەسەرکاری حکومەتی نوێی ڕژێمی زایۆنیستی بە سەرۆکایەتی بنیامین نتانیاهۆ وتی: لە فەڵەستین داگیرکراو گۆڕینی ناو و ڕواڵەتەکان شتێک ناگۆڕێت، بەڵکوو بەرپرسانی ڕژێمی زایۆنیستی لە توندڕۆیەکەوە بەرەو توندڕۆیەکی دیکە دەڕۆن و هۆکارەکەشی کێشە و قەیرانە کەڵەکەبووە ئەمنی و کۆمەڵایەتییەکانی ناوخۆی ڕژێمی زایۆنیستییە، ئەڵبەت توندڕۆکان دەبنە هۆی خۆڕاگری زیاتری گەل و گرووپەکانی فەڵەستینی.
وەزیری دەرەوەی کۆماری ئیسلامی ئێران وتی: لە کۆبوونەوەم لە گەڵ بەڕێزان سەید حەسەن نەسروڵڵا ئەمینداری گشتی حزبوڵڵای لوبنان و زیاد نەخالە ئەمینداری گشتی بزوتنەوەی جیهادی ئیسلامی فەڵەستین و کۆبوونەوەم لە دیمەشق لە گەڵ ئێوە برایانی بزوتنەوەی حەماس و لایەنەکانی دیکەی فەڵەستین، ئەو پەیامەمان پێدەگات کە خۆڕاگری لە باشترین بارودۆخی خۆیدایە.
حوسێن ئەمیر عەبدوڵڵاهیان لە کۆتاییدا وتی: سەرەڕای ئەو پیلانەی کە هەوڵی سەرقاڵکردنی کۆماری ئیسلامی ئێرانی بە کێشە ناوخۆییەکان و ئاژاوەگێڕییەکانی ئەم دواییە دەدا و شەڕێکی هەمەلایەنەیان لە دژی کۆماری ئیسلامی دەستپێکرد، بەڵام بە یارمەتی خودای گەورە و ووشیاری گەلی ئێران ئەو پیلانەش شکستی هێنا.
جام کوردی
![](https://kurdish.iswnews.com/wp-content/uploads/2023/01/1015748884MIR16420-1024x682.jpeg)
![](https://kurdish.iswnews.com/wp-content/uploads/2023/01/1085481735MIR16405-1024x682.jpeg)
![](https://kurdish.iswnews.com/wp-content/uploads/2023/01/1482455160MIR16397-1024x682.jpeg)
![](https://kurdish.iswnews.com/wp-content/uploads/2023/01/660167546MIR16393-1024x682.jpeg)
![](https://kurdish.iswnews.com/wp-content/uploads/2023/01/1837879930MIR16383-1024x682.jpeg)
![](https://kurdish.iswnews.com/wp-content/uploads/2023/01/952463411MIR16368-1024x682.jpeg)
![](https://kurdish.iswnews.com/wp-content/uploads/2023/01/631826783MIR16363-1024x682.jpeg)
![](https://kurdish.iswnews.com/wp-content/uploads/2023/01/701559634MIR16346-1024x720.jpeg)
![](https://kurdish.iswnews.com/wp-content/uploads/2023/01/723453019MIR16452-1-1024x682.jpeg)
![](https://kurdish.iswnews.com/wp-content/uploads/2023/01/228405979MIR16430-1-1024x682.jpeg)
لێدوانەکان