کۆبوونەوەی شای ئوردن و بن زاید لە ئەبوزەبی
هەواڵەکانی جیهانی ئیسلام؛ لە میانەی گەشتێکیدا بۆ ئەبوزەبی، شای ئوردن لەگەڵ سەرۆکی ئیمارات کۆبووەوە و پەیوەندییە دووقۆڵییەکان و پێشهاتەکانی ناوچەکەیان تاوتوێ کرد.
ڕۆژی رابردوو چوارشەممە، شا عەبدوڵڵای دووەمی ئوردن گەیشتە ئەبوزەبی و لەگەڵ محەمەد بن زاید ئال نەهیان سەرۆکی ئیمارات کۆبووەوە.
لە دیدارەکەدا کە لە کۆشکی “الشاطئ” بەڕێوەچوو، پەیوەندییەکانی نێوان هەردوولا و بارودۆخی ناوچەکەیان تاوتوێ کرد.
سەرکردەکانی ئوردن و ئیمارات وێڕای تاوتوێکردنی ئاسۆکانی هاوکاری دوو قۆڵی و رێکارەکانی پەرەپێدانی، جەختیان لە گرنگیدانیان بۆ پتەوکردنی پەیوەندییە دووقۆڵییەکان کرد لە بوارە جیاجیاکان و درێژەدان بە ڕاوێژکارییەکان لەسەر ئەو پرسانەی کە بەرژەوەندی هاوبەشی هەردوو وڵاتیان هەیە.
بەگوێرەی ڕاپۆرتی ماڵپەڕی “عمون”ی ئوردنی، عەبدوڵڵای دووەم و بن زاید هەروەها دۆخی ناوچەکەیان تاوتوێ کردووە و جەختیان لەسەر زیادکردنی هەوڵەکان بۆ زیندووکردنەوەی دەرفەتەکانی سازان لەسەر بنەمای چارەسەری دوو دەوڵەت و ڕاگرتنی هەموو کارە نایاساییەکانی ڕژێمی زایۆنیستی کردووەتەوە.
ئەم دیدارە بە ئامادەبوونی ئەیمەن سەفدی وەزیری دەرەوەی ئوردن و ژمارەیەک بەرپرسی باڵای ئیمارات بەڕێوەچوو.
لێدوانەکان