تەقینەوەیەک لە ئێران ڕوویدا

هەواڵە تایبەتەکان: بە هۆی تەقینەوەیەکی تیرۆریستی لە شاری “سراوان” ـی پارێزگای سیستان و بەلووچستان لە باشوری ڕۆژهەڵاتی ئێران، کەسێک گیانی لەدەستدا و سێ کەسی دیکەش برینداربوون.

بە پێی هەواڵەکان یەکێک لە بریندارەکان ئافرەتی دووگیان بووە، هەروەها وەک دەوترێت باردۆخی یەکێک لە بریندارەکان ناجێگیرە.

تا ئێستا هیچ گروپێک یان لایەنێک بەرپرسیارێتی ئەم تەقینەوەی نەگرتووە ئەستۆ، بەڵام پێ دەچێت گروپی “جیش العدل” بێت کە پێشتر کاری هاوشێوەی ئەنجام داوە.