ترسی زایۆنیستەکان لە دەستپێکردنی ئینتیفازەی سێیەم

هه‌ینی 25 تشرینی دووه‌م 2022 - 21:08
https://kurdish.iswnews.com/?p=19929

هەواڵەکانی جیهانی ئیسلام؛ سەرۆکی پێشووی دەزگای هەواڵگری ڕژێمی زایۆنیستی ڕایگەیاند کە نیشانە ڕوونەکانی دەستپێکردنی ئینتیفازەی سێیەمی فەلەستین لە ئارادایە.

ژەنەڕاڵ تامیر هیمن، سەرۆکی پێشووی دەزگای هەواڵگری ڕژێمی زایۆنیستی ڕایگەیاند: ڕەوتی ڕووداوەکان بە شێوەیەکی ڕوون ئاماژەیە بۆ ئەگەری دەستپێکردنی ئینتیفازەی سێیەمی فەلەستین.

ناوبراو ئاماژەی بەوەشکرد، دۆخی فەڵەستین زیاتر لەوەی بیری لێدەکرێت نالەبارە، هەر بۆیە ئەو ئۆپەراسیۆنانەی لە قودس ئەنجامدراون و ڕفاندنی تەرمی تیران بیرو نیشانەی ئەگەری تەقینەوەی دۆخەکەن.

ئەم لێدوانانە دوای ئەوە دێت کە ڕۆژی چوارشەممە دوو تەقینەوە لە قودس ڕوویدا و لە ئەنجامدا ئیسرائیلییەک کوژرا و دەیان کەسیش بریندار بوون.

میدیاکانی زایۆنیستی بڵاویانکردەوە، ڕووداوەکانی چەند مانگی ڕابردوو لە کەرتی ڕۆژئاوا نیشانەی ئینتیفازەیەکە کە جیاوازە لە ئینتیفازەکانی هەشتاکان و ٢٠٠٠ و توندوتیژی زۆری لە دژی سوپا لەگەڵدایە.

گیلی کۆهین، شرۆڤەکاری سیاسی کەناڵی “کان”ی ڕژێمی زایۆنیستی، هەروەها وتی: دەزگا ئەمنییەکان لە تەقینەوەی دۆخی شارەکانی فەلەستین زۆر نیگەرانن.

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *