هێرشی ڕۆکێتی لە سووریاوە بۆ سەر باشووری تورکیا + وێنە
![](https://kurdish.iswnews.com/wp-content/uploads/2022/11/Karkamish-Turkey-1361x700-1.jpg)
هەواڵەکانی جیهانی ئیسلام؛ لەئەنجامی هەڵدانی ژمارەیەک ڕۆکێت لە ناو سووریاوە بەرەو ناوچەی قەرقمیش لە پارێزگای غازی عەنتاب لە تورکیا، لانیکەم سێ کەس کوژران و شەش کەسی دیکەش برینداربوون.
شەوی رابردوو ٢٠ی تشرینی دووەم، لانیکەم چوار ڕۆکێت بەر ناوچەی نیشتەجێبوون و یەکێکیان بەر قوتابخانەیەک لە ناحیەی قەرقمیش سەر بە پارێزگای غازی عەنتاب کەوت و بەهۆیەوە سێ کەس گیانیان لەدەستدا و شەش کەسی دیکەش برینداربوون. پارێزگاری غازی عەنتاب لەگەڵ پشتڕاستکردنەوەی هێرشەکە ڕایگەیاند کە “ژمارەی ڕۆکێتە تەقێنراوەکان ٥ ڕۆکێت بووە و بارودۆخی دوو کەس لە بریندارەکان ناجێگیرە”.
لە بەرامبەر ئەم هێرشەدا، هێزە چەکدارەکانی تورکیا پێگەکانی هێزە کوردییەکانیان لە دەوروبەری شاری جەرابلوس و گوندەکانی زور مەغار و ئەلزیارە لە ڕۆژئاوای شاری کۆبانێ لە سووریا کردە ئامانج. تا ئێستا هیچ زانیارییەک لەسەر زیانەکانی ئەم هێرشە بڵاونەکراوەتەوە.
![](https://kurdish.iswnews.com/wp-content/uploads/2022/11/Attack-of-the-Turkish-army-planes-to-the-west-of-Kobani-2-577x1024.jpg)
![](https://kurdish.iswnews.com/wp-content/uploads/2022/11/Attack-of-the-Turkish-army-planes-to-the-west-of-Kobani-1.jpg)
هەرچەندە تا ئێستا هیچ کەس و گروپێک بەرپرسیارێتی ئەم هێرشەی لە ئەستۆ نەگرتووە، بەڵام بە لەبەرچاوگرتنی هێرشەکانی سوپای تورکیا بۆ سەر پێگەکانی هێزە کوردییەکان لە باکووری سووریا و عێراق، پێدەچێت ئەم هێرشە لە وەڵامی هێرشە ئاسمانییەکانی ئەم دواییەی تورکیا لەلایەن هێزە کوردییەکانەوە ئەنجامدرابێت.
![](https://kurdish.iswnews.com/wp-content/uploads/2022/11/Qarqmish-region-located-in-Gazi-Aintab-province-of-Turkey-2-571x1024.jpg)
![](https://kurdish.iswnews.com/wp-content/uploads/2022/11/Qarqmish-region-located-in-Gazi-Aintab-province-of-Turkey-1-584x1024.jpg)
لێدوانەکان