هێرشی تیرۆریستی لە خوزستانی ئێران زیاتر لە ١٥ کوژراو و برینداری لێکەوتەوە
هەواڵەکانی جیهانی ئیسلام؛ لە ئەنجامی تەقەی ژمارەیەک چەکداری نەناسراو بۆ سەر خەڵکی مەدەنی و پۆلیسی شاری ئیزەی پارێزگای خوزستان زیاتر لە ١٥ هاووڵاتیی مەدەنی بوونە قوربانی.
ئێوارەی ڕۆژی رابردوو (چوارشەممە) ژمارەیەک چەکداری نەناسراو بە بەکارهێنانی دوو ماتۆڕسکیل و چەکی کڵاشینکۆف لە ناو بازاری ناوەندی شاری ئیزە تەقەیان لە پۆلیس و خەڵکی مەدەنی کرد. ئەم کردەوە تیرۆریستییە بووە هۆی کوژرانی ٦ کەس لەوانە منداڵێکی ٩ ساڵە و برینداربوونی زیاتر لە ١٠ کەسی دیکە. بەپێی زانیاریەکان بارودۆخی ژمارەیەک لە بریندارەکان ناجێگیرە.
تا ئێستا هیچ کەس یان لایەنێک بەرپرسیارێتی ئەم هێرشە تیرۆریستییەی لە ئەستۆ نەگرتووە و دەزگا هەواڵگرییەکانی ئێران ئۆپەراسیۆنی گەڕان بەدوای ئەنجامدەرانی ئەم هێرشەیان دەستپێکردووە.
هاوکات لەگەڵ ئەم هێرشە تیرۆریستییە دوو ماتۆڕسوارێکی دیکە لە ناوچەی خامێی شاری ئەسفەهانی ئێران تەقەیان لە هێزەکانی بەسیج کردووە و بەهۆیەوە دوو کەس کوژراون و دوو کەسی دیکەش برینداربوون.
لێدوانەکان