کۆماری ئازەربایجان باڵیۆزخانەی لە فەلەستینی داگیرکراو دەکاتەوە!

سێ شه‌ممه‌ 1 تشرینی دووه‌م 2022 - 23:03
https://kurdish.iswnews.com/?p=19132

هەواڵەکانی جیهانی ئیسلام؛ ئەندامێکی پەرلەمانی ئازەربایجان بڕیاری باکۆی بۆ کردنەوەی باڵیۆزخانە لە فەلەستینی داگیرکراو دوای سێ دەیە پەیوەندی لەگەڵ ڕژێمی زایۆنیستی ڕاگەیاند.

ئەرزوو نەقیوف، یاسادانەر و ئەندامی گرووپی دۆستایەتی ئیسرائیل و ئازەربایجان لە پەرلەمانی ئەم وڵاتە، بڕیاری باکۆی بۆ کردنەوەی باڵیۆزخانەی لە فەلەستینی داگیرکراو ڕاگەیاند.

ناوبراو جەختیشی لەوە کردەوە، “ئەم بڕیارە دراوە و کردنەوەی باڵیۆزخانەی ئازەربایجان لە ئیسرائیل تەنیا بە هۆکاری تەکنیکی دەتوانرێت دوابخرێت. سەرەڕای نەبوونی باڵیۆزخانە، پەیوەندییەکانی نێوان ئازەربایجان و ئیسرائیل لە بەرزترین ئاستدایە. ئیسرائیل هاوبەشی سیاسی، سەربازی، ئابووری و کولتووری ئێمەیە و گرنگی ستراتیژی هەیە.”

لەم دواییانەدا ئیسحاق هێرزۆگ سەرۆکی ڕژێمی زایۆنیستی لە نامەیەکدا کە ئاراستەی ئیلهام عەلیێڤ سەرۆککۆماری ئازەربایجان کرابوو، بانگهێشتی ناوبراوی کرد سەردانی ناوچە داگیرکراوەکانی فەلەستین بکات و باڵیۆزخانەی باکۆ بکاتەوە.

شایانی باسە کە پەیوەندییەکانی کۆماری ئازەربایجان و ڕژێمی زایۆنیستی لە ساڵانی ڕابردوودا بە تایبەتی لە بواری سەربازی و ئەمنیدا زۆر پەرەی سەندووە، بە جۆرێک کە ٦١%ی هاوردەکردنی چەکی ئازەربایجان لە نێوان ساڵانی ٢٠١٦ بۆ ٢٠٢٠ لە ئیسرائیلەوە بووە.

بەشی بکە:
لێدوانەکان

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *