زانیاری_سەربازی: درۆنی خۆکوژی ئارەش-٢؛ دوورمەوداترین درۆنی خۆکوژی لە جیهاندا!
فڕۆکەی بێفڕۆکەوانی ئارەش-٢ فڕۆکەیەکی بێفڕۆکەوانی خۆکوژە کە لەلایەن سوپای کۆماری ئیسلامی ئێرانەوە بۆ لەناوبردنی ئامانجە گرنگەکانی دوژمن لەوانە ڕادار، کەشتی و ئامانجە سەربازییە جێگیرەکان دیزاین و بەرهەم هێنراوە. مەودای ٢٠٠٠ کیلۆمەتری ئارەش-٢ لەگەڵ قورسایی بەرچاوی سەری جەنگیەکەی، ئەم فڕۆکە بێفڕۆکەوانەی کردووە بە چەکێکی کارامە لە دژی ئامانجەکان لە قووڵایی خاکی دوژمن.
فڕۆکەی بێفڕۆکەوانی خۆکوژی ئارەش-٢ بە مەودای ٢٠٠٠ کیلۆمەتر بە دوورمەوداترین فڕۆکەی بێفڕۆکەوانی خۆکوژ لە جیهاندا دادەنرێت. نموونەیەکی بچووکتری ئەم فڕۆکە بێفڕۆکەوانە بەناوی ئارەش-١ هەیە کە مەودای ١٥٠ کیلۆمەترە و بۆ هێرشکردنە سەر ئامانجە نزیکەکانی بەرەکانی شەڕدا دروستکراوە. فڕۆکەی بێفڕۆکەوانی خۆکوژی ئارەش-٢ وەشانێکی نوێکراوە و پەرەپێدراوی ئارەش-١ ـە.
درۆنی ئارەش-٢ بۆ یەکەمجار لە مەشقی فڕۆکە بێفڕۆکەوانی سوپای پاسدارانی ئێراندا لە ٧ی ١ی ٢٠٢١ پەردەی لەسەر لادرا. لەم مانۆڕەدا ئەم فڕۆکە بێفڕۆکەوانە لە کەناراوەکانی مەکرانەوە هاوێژرا و دوای تێپەڕاندنی نزیکەی ١٤٠٠ کیلۆمەتر، ئامانجەکەی لە ناوچەی گشتیی مانۆڕەکە لە پارێزگای سێمنان لە ناوەندی ئێران پێکا.
ئارەش-٢ بە ڕواڵەت هاوشێوەی فڕۆکەی بێفڕۆکەوانی کیان-٢ و باڵێکی سێگۆشەی هەیە. جیاوازی سەرەکی ئەم دوو فڕۆکە بێفڕۆکەوانە بزوێنەرەکەیانە. کیان بزوێنەری جێت و ئارەش بزوێنەری پستۆنی بەکاردەهێنێت. ئەم جیاوازییە بزوێنەرە کاریگەری زۆری لەسەر مەودایان هەبووە.
تا ئێستا ئارەش-٢ لە مانۆڕەکاندا بە دوو جۆر لانچەرەوە هاوێژراوە. یەکێکیان لانچەری Jeto وەک کەرار کە بە ئاسانی بەردەستە و ئەوی دیکەیان لانچەری هاوشێوەی بۆکسە کە لەسەر پشتی بارهەڵگرێک جێی دەبێتەوە. بوونی لانچەری هاوشێوەی بۆکس ناسین و دۆزینەوەی ئەم باڵندە بێ سەرنشینە قورستر دەکات، و هاوکات لەگەڵ جووڵەی بەرزی هەڵگرەکەی، توانای مانەوەی زیاتر دەکات.
درۆنی ئارەش-٢ لە مانگی تەمموزی ٢٠٢٢ لەسەر کەشتی جەنگی درۆن هەڵگری سوپای ئێراندا بینرا. بۆیە دەتوانرێت توانای بەکارهێنانی دژی کەشتی و هەروەها هێرشکردن لە دەریاوە بۆ کەنارئاوەکان بۆ ئارەش لەبەرچاو بگیرێت. لە پێشانگای دەستکەوتەکانی سوپای ئێران لە ٢٠٢٢دا درۆنی خۆکوژی ئارەش-٢ کە بە ئامێری گەڕانی ژێر سوور و ئەلکترۆ-ئۆپتیکاڵ تەیار کراوە، بینرا، کە توانای زیاتر بەم باڵندەیە دەبەخشێت. فڕۆکەی بێفڕۆکەوانی ئاراش-٢ بە سیکەری ژێر سوور و ئەلکترۆ-ئۆپتیکاڵ دەتوانێت ئامانجە جیاوازەکان بە وردبینییەکی بەرز لەناوببات. بۆیە لەگەڵ سیکەری گەڕانی جۆراوجۆردا، جگە لە ئامانجە جێگیرەکان، ئەم فڕۆکە بێفڕۆکەوانە توانای بە ئامانجگرتنی ئامانجە جوڵاوەکان یان ئەو ئامانجانەی هەیە کە لە ناوچەکانی دوژمن پێویستە بە وردی تێکبشکێنێت.
بەگوێرەی وێنە بڵاوکراوەکان و زانیارییەکانی پێشانگای هەمیشەیی دەستکەوتەکانی وەزارەتی بەرگری ئێران، بزوێنەری فڕۆکەی بێفڕۆکەوانی ئارەش-٢ لە جۆری MD 550 یان MDSO-4-520 tempest بە هێزی ٥٠ ئەسپە. بۆیە بەپێی جۆری بزوێنەرەکەی ئەم فڕۆکە بێفڕۆکەوانە زۆرترین خێرایی ١٨٥ کیلۆمەتر دەبێت لە کاتژمێرێکدا.
تایبەتمەندیەکانی درۆنی خۆکوژی ئارەش-٢:
درێژی: نزیکەی ٤.٥ مەتر
مەودای نێوان دوو سەری باڵ: نزیکەی ٤ مەتر
سەقفی فڕین: ٣٦٥٧ مەتر (١٢ هەزار پێ)
بزوێنەر: پستۆنی MD550 یان MDSO-4-520 tempest بە هێزی ٥٠ ئەسپ
زۆرترین خێرایی: ١٨٥ کیلۆمەتر/کاتژمێر
مەودا: ٢٠٠٠ کیلۆمەتر
کێش: نزیکەی ٢٠٠ کیلۆگرام
دروستکراو: ئێران
لێدوانەکان