عەبدولمەلیک حوسی: هاوپەیمانی سعوودیە ئاسایش و سەقامگیری میللەتی یەمەنی کردە ئامانج

هه‌ینی 16 ئه‌یلول 22 - 09:43
https://kurdish.iswnews.com/?p=17520

هەواڵەکانی جیهانی ئیسلام، عەبدولمەلیک حوسی، ڕێبەری ئەنساروڵڵای یەمەن وتی: هاوپەیمانی دەستدرێژکار توانا ماددییەکانی خۆی بۆ تێکدان و ئاژاوەگێڕی و هێرشکردنە سەر ئاسایش لەژێر ناونیشانی سیاسی و کۆمەڵایەتیدا ئاراستە کرد.

سه‌ید عه‌بدولمه‌لیک بەدرەدین حوسی، ڕێبەری بزووتنه‌وه‌ی ئه‌نساروڵڵای یه‌مه‌ن رایگه‌یاند كه‌ هاوپه‌یمانی ده‌ستدرێژكاری سعوودیه‌، جگه‌ له‌ ئه‌نجامدانی ده‌ستدرێژیی سه‌ربازی و کوژران، شه‌ڕێكیان بۆ به‌ئامانجكردنی ئاسایش و سه‌قامگیری میللی ئه‌م وڵاته‌ ده‌ستپێكرد.

ناوبراو وتیشی، هاوپەیمانی سعوودیە بە کەڵک وەرگرتن لە تەکفیرییەکان و ئەوانی تر، هەموو هەوڵێکیان خستەگەڕ بۆ جێبەجێکردنی پلانەکانی تاوانکارانەی وەک تەقینەوە.

سەید عەبدولمەلیک بەدرەدین حوسی ڕایگەیاند، لە سایەی فەزڵی خودا و هەوڵی وەزارەتی ناوخۆ و سەرجەم دامودەزگا ئەمنییەکان، هاوپەیمانی سعوودیە نەیتوانی بە ئامانجەکانی بگات، دوژمن هەوڵی تیرۆرکردنی دەوڵەتمەدار و کەسایەتییە جەماوەرییەکانی دژبەری ئەم هاوپەیمانییەی دا و زۆربەی ئەم هەوڵانە شکستیان هێنا.

ناوبراو جەختیشی كردەوە كە ئاسایش لە پێشینەی ئەركەكانی ئێمەیە و وەزارەتی ناوخۆ لە چوارچێوەی ئەركەكانیدا بۆ پاڵپشتیكردنی میللەت و بەرقەراركردنی ئاسایش و سەقامگیری کار دەکات.

ڕێبەری ئەنساروڵڵای یەمەن وتی: پەیامی ئێمە بۆ دوژمن لەم نمایشە سەربازییەدا ئەوەیە کە هەوڵەکانی بۆ گەیشتن بەم دامەزراوە ئەمنییە شکستی هێنا و ئێمە هۆشداری دەدەینە دوژمنان لە بەردەوامی پیلانگێڕییەکانیان لە بەئامانجکردنی یەمەن، میللەت و ئاسایش و سەقامگیرییەکەی.

ڕێبەری ئەنساروڵڵا جەختی کردەوە: ئاسایشی یەمەن لە بەرژەوەندی هەموو گەلانی عەرەب و ئیسلامی دراوسێیە.

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە .