سوپای پاسدارانی ئێران درۆنێک بە ناوی غەزە و چەندین ئامێری سەربازی نوێی دیکەی ئاشکرا کرد + وێنە
هەواڵەکانی جیهانی ئیسلام: سوپای پاسدارانی ئێران لە مەراسمێکدا چەندین چەکی نوێی لە بواری فڕۆکە بێ فڕۆکەوانی و بەرگری ئاسمانی ئاشکرا کرد.
هەواڵەکانی جیهانی ئیسلام: سوپای پاسدارانی ئێران لە مەراسمێکدا چەندین چەکی نوێی لە بواری فڕۆکە بێ فڕۆکەوانی و بەرگری ئاسمانی ئاشکرا کرد.
لەو مەراسیمەدا کە بە ئامادەبوونی حوسێن سەلامی فەرماندەی گشتی سوپای پاسدارانی ئێران و ئەمیرعەلی حاجی زادە، فەرماندەی هێزی ئاسمانی (هەوافەزا)ی سوپای ئێران بەڕێوەچوو، درۆنی “غەزە”، سیستەمێکی مووشەکی زەمین بۆ هەوای “٩ دەی” و هەروەها سیستەمی ڕاداری” قودس” نمایش کران.
بە پێی زانیارییەکان، فڕۆکە بێ فڕۆکەوانی غەزە توانای هەڵگرتنی ١٣ بۆمب و ٥٠٠ کیلۆگرام کەلوپەلی کۆکردنەوەی زانیاری و سیگناڵ و هەروەها ٣٥ کاتژمێر فڕین تا دووری دوو هەزار کیلۆمەتر، و توانای ئەنجامدانی جۆرەها ئۆپەراسیۆنی جەنگی و هەواڵگری هەیە. هەروەها دەتوانرێت لە درۆنی غەزە بۆ ئۆپەراسیۆنەکانی چاودێری لە دارستانەکان و هەروەها کارەساتە نەخوازراوەکان سوود وەربگیرێت.
سیستەمی بەرگری ئاسمانی کە هەڵگری مووشەکی “٩دەی” بێت توانای رووبەڕووبوونەوە و تێکشکاندنی جۆرەها هەڕەشەی لە دووری نزیکەوە لەوانە مووشەکی کروز و فڕۆکە بێ فڕۆکەوانی هەیە. هەروەها لە تایبەتمەندییەکانی سیستەمی ڕاداری قودس، جێگیر کرد و گواستنەوەی خێرایی ئەو سیستەمە بۆ شوێنی مەبەستە.
لێدوانەکان