ڕێبەری ئەنساروڵڵا: سوپای یەمەن گەیشتووەتە ئاستێکی بەرزی بەرپەرچدانەوە
هەواڵەکانی جیهانی ئیسلام، سەید عەبدولمەلیک حوسی بە بۆنەی نمایشی گەورەی سەربازیی سوپای یەمەن لە ئەلحودەیدە وتی: سوپا هەمیشە پەرە بە تواناکانی شەڕکردن و سەربازی خۆی لە هێزی دەریایی، وشکانی، ئاسمانی، یەکەی مووشەکی و پیشەسازییە سەربازییەکان دەدات.
حوسی، ڕێبەری ئەنساروڵڵای یەمەن لە وتارێکدا کە هاوکات لە نمایشی سوپای ئەو وڵاتە لە ئەلحودەیدە پەخشکرا، سوپاسی هەموو ئەو هێزە سەربازیانەی کرد کە ئەم نمایشەیان ڕێکخست و وتی: سوپاسی وەزارەتی بەرگری بۆ هەوڵە ماندوونەناسەکانی لە بنیاتنانی سوپا و یەکخستنی یەکینە جەماوەرییەکان لەگەڵ ئەو هێزانە دەکەم.
ناوبراو ئاماژه‌ی به‌وه‌شكرد: سوپاكه‌مان وابەسته‌یه‌كی راسته‌قینه‌ی به وڵاته‌وه هه‌یه و هه‌وڵەکان بۆ گه‌شه‌پێدانی سوپا بەردەوامە.
ڕێبەری ئەنساروڵڵای یەمەن ئامانجی ئەم نمایشە سەربازییە بۆ دڵنیاکردنەوەی گەلی یەمەن و ناردنی پەیامێک بۆ دوژمنە تەماحکار و دەستدرێژکارەکان ڕاگەیاند و وتی: تەنیا بەشێک لە هێزەکانی سوپا بەشدارییان لەم نمایشە سەربازییەدا کردووە، ئەگینا هەزاران هێزی سەربازیی ئێمە لە میحوەرەکاندا جێگیرن.
حوسی ڕایگەیاند: ئەمڕۆ سوپاکەمان لە بوارە جیاجیاکانی ڕووبەڕووبوونەوەی دوژمندا گەیشتۆتە ئاستێکی نایاب و تواناکانی پەرەپێداوە و ئاستێکی بەرزی بەرپەرچدانەوەی بەدەستهێناوە.
ناوبراو جەختیشی كردەوە كە سوپای یەمەن هەمیشە پەرە بە تواناكانی شەڕکردن و سەربازییەکانی لە بواری دەریایی، وشكانی، ئاسمانی، یەكەی مووشەكی و پیشەسازیی سەربازی دەدات.
ڕۆژی رابردوو ١ی ئەیلول هێزە چەکدارەکانی یەمەن بە ئەنجامدانی نمایشێکی سەربازی پەردەیان لەسەر ژمارەک چەک و مووشەکی نوێ و پێشکەوتوو لادا.
ئەم مەراسیمە گەورەترین نمایشی سەربازییە کە هێزەکانی یەمەن ئەنجامیان داوە، کە تیایدا نوێترین کەرەستە و چەکی پیشەسازیی جەنگی وشکانی، ئاسمانی و دەریایان پیشانی جیهان داوە کە مینە دەریاییە نوێیەکان وەک یەکێک لەو چەکانە دادەنرێت.
لێدوانەکان