زانیاری_سەربازی: درۆنی سیخوڕیی شەڕکەری موهاجێر٦

یه‌ك شه‌ممه‌ 28 ئاب 22 - 17:45
https://kurdish.iswnews.com/?p=16731

تاوتوێکردنی درۆنی موهاجێر٦ نوێترین و سەرکەوتووترین درۆنی هەناردەیی ئێران؛ درۆنی سیخوڕی شەڕی موهاجێر ٦

درۆنی سیخوڕی شەڕکەری موهاجێر ٦ فڕۆکەیەکی بێفڕۆکەوانی پلە مامناوەندە و لەلایەن وەزارەتی بەرگری کۆماری ئیسلامیی ئێرانەوە بەرهەم هێنراوە. ئەم فڕۆکە بێفڕۆکەوانە بۆ یەکەمجار لە ساڵی ٢٠١٧ لە کاتی سەردانی سەرۆک کۆماری ئەوکاتی ئێران بۆ پێشانگای دەستکەوتەکانی بەرگریی وەزارەتی بەرگری ئەو وڵاتە بە فەرمی پەردەی لەسەر لادرا. هێڵی بەرهەمهێنانی ئەم درۆنە لە میانەی مەراسیمێکدا کە وەزیری بەرگری ئەوکاتەی ئێران لە مانگی شوباتی هەمان ساڵدا ئامادەی بوو، خرایە بواری جێبەجێکردنەوە.
موهاجێر ٦، وەک نوێترین ئەندامی بنەماڵەی درۆنەکانی موهاجێر، لە ڕێکخراوی شەڕی زەمینی و دەریایی سوپای پاسداران، هێزەکانی زەمینی سوپای کۆماری ئیسلامیی ئێران و فراجا لە ئێران بەکار دێت.
ئێران لە ساڵی ٢٠١٩ و لە پێشانگای نێودەوڵەتی ماکس لە ڕووسیا دەستی بە بەبازاڕکردن و فرۆشتنی درۆنی موهاجێر٦ کردووە.

ئەم درۆنە دەتوانرێت بە سەرکەوتووترین درۆنی هەناردەیی ئێران هەژمار بکرێت. موهاجێر ٦ هەناردەی عێراق (حەشدی شەعبی) و ئەسیوپیا کراوە. دۆرنی موهاجێر٦ و بۆمبەکانی لەجۆری قائیم لە ئەسیوپیا ئاستێکی زۆر باشیان پێشکەش کردووە.

موهاجێر٦ لە عێراق (حەشدی شەعبی)
موهاجێر ٦ لە ئەسیوپیا

نموونەیەکی لە موهاجێر ٦ لە ڤەنزوێلا بەرهەم دەهێنرێت کە تا ئێستا هیچ زانیارییەک لەبارەی ئەو نمونەیە لەبەردەستدا نییە.

موهاجێر ٦ و بۆمبی قائیم لە ڤەنزوێلا

درۆنی موهاجێر ٦ شێوەیەکی چوارگۆشەیی و پێشەوەی پان و تیژی هەیە. باڵە چوارگۆشەیە سادەکانی لە بەشی سەرەوەی درۆن دانراوە و کلکەکەی شێوەیەکی High Boom Tail ی هەیە. ئەم درۆنە بە بزوێنەری پستۆنی ٣ پەروانەیی ڕۆتاکس ٩١٢ کاردەکات. موهاجێر ٦ لە پێشەوەی کامێرایەکی هەیە، کە ڕێگە دەدات بە چاودێریکردنی بەردەوامی ڕێڕەوی درۆنەکە.

کامێرەی پێشەوەی موهاجێر ٦

تا ئێستا موهاجێر ٦ بە سیستەمی ئەلکترۆ-ئۆپتیکاڵی عوقاب ٤ بە دوو وەشانی H و D بینراوە کە هەردووکیان کامێرای بینین لە ڕۆژ بە زوومی ٣٦ هێندە، پێوەری لەیزەری و کامێرای حەراری ساردکەرەوەیان تێدایە.

سیستەمی ئەلکترۆ-ئۆپتیکاڵی عوقاب ٤

سیستەمی ئەلکترۆ ئۆپتیکی عوقاب 4H بە دووری ١٥ بۆ ٤٠٠ ملم و کێشی ١٨ کیلۆگرامە، و سیستەمی عوقاب 4D بە دووری ٦٠ بۆ ١٢٠ ملم و کێشی ١٩ کیلۆگرامە. لە ئەنجامدا سیستەمی عوقاب ٤ لە وەشانی H مەودای بینینی فراوانتر و کوالیتی بەرزتری هەیە.

کامێرای عوقاب 4H لەسەر درۆنی موهاجێر ٦
کامێرای عوقاب 4D لەسەر درۆنی موهاجێر ٦

هه‌روه‌ها وێنه‌ی كامێرایه‌كی نوێ به‌ زوومی ٦٠ ئەوەندە بۆ ئه‌م درۆنە په‌خش كراوه‌، كه‌ پێشكه‌وتنی ئێران له‌ دروستكردنی كامێرای چاودێری پێشكه‌وتوو بۆ درۆنەکان ده‌ریده‌خات.

ڤیدیۆ لە ئۆپتیکێکی نوێ بە زوومی 60x کە دەتوانرێت لەسەر موهاجێر ٦ دابنرێت

سیستەمی ڕێنمایی و کۆنترۆڵکردنی درۆنی موهاجێر ٦ کە لەسەر بارهەڵگرێک دانراوە، و ئەمەش ڕێگە دەدات بە خێرایی بجوڵێنرێت.

ژووری کۆنتڕۆڵی موهاجێر ٦

بەداخەوە تا ئێستا زانیاری لەسەر کێشی موهاجێر ٦ بە فەرمی ڕانەگەیەندراوە. لە ڕۆژانی سەرەتای کارکردنی ئەم درۆنەدا، بەهۆی دانانی دوو بۆمبی قائێم-٥، توانای هەڵگرتنی لەلایەن میدیاکانەوە بە ٤٠ کیلۆگرام ڕاگەیەندرا؛ بەڵام ئەم ژمارەیە دروست نەبوو، چونکە تا ئێستا کێشی قائێم-٥ بە فەرمی ڕانەگەیەندراوە. بە لەبەرچاوگرتنی لێکچوونی قائێم-٥ و بۆمبی سەدید ٣٤٥، ئەگەر کێشی سەری جەنگییەکەی نەگۆڕابێت، بەهۆی بوونی باڵە جێگیرەکانی دواوە، دەبێت کێشی بۆمبی قائێم-٥ کەمێک لە سەدید ٣٤٥ (٣٤ کیلۆگرام) قورستر بێت.

بەڵام لە پێشانگای هەمیشەیی دەستکەوتەکانی بەرگریی سوپای پاسدارانی شۆڕشی ئیسلامی ئێران، پۆستەرێکی موهاجێر ٦ بڵاوکراوەتەوە، کە تێیدا هاتووە توانای هەڵگرتنی ١٠٠ کیلۆگرام چەکی هەیە و زۆرترین کێشی هەڵفڕینی ٦٠٠ کیلۆگرامە.

پۆستەری موهاجێر ٦ لە پێشانگای هەمیشەیی دەستکەوتەکانی بەرگریی سوپای پاسدارانی شۆڕشی ئیسلامی ئێران

هه‌روه‌ها له‌ پێشانگای ARMY 2022، وه‌زاره‌تی به‌رگریی ئێران كه‌ته‌لۆگێک له‌ به‌رهه‌مه‌ به‌رگرییه‌كانی خۆی بڵاوكردۆتەوە، كه‌ لە تایبه‌تمه‌ندییه‌كانی موهاجێر ٦ له‌ ژێر ناونیشانی M6 هاتووە، کە توانای هەڵگرتنی ١٠٠ کیلۆگرام چەکی هەیە و کێشی هەڵفڕینی ٦٧٠ کیلۆگرامە.

موهاجێر ٦ له‌ پێشانگای ARMY 2022

بۆیە بە لەبەرچاوگرتنی موهاجێر ٦ بە چوار بۆمبی قائێم-٥، نابێت کێشی ئەم بۆمبە لە ٢٥ کیلۆ زیاتر بێت چونکە کۆی کێشی بۆمبەکان زیاتر لە ١٠٠ کیلۆگرام دەبێت. هەروەها وێنەیەکی درۆنی موهاجێر ٦ لە بنکەی ژێرزەمینیی ٣١٣ی سوپای پاسداراندا بینراوە کە بۆمبێکی قائێم-٥ لەگەڵ موشەک هەڵگری ٣ هایدرا دەبینرێت.

کێشی هەر موشەکێکی هایدرا ٦.٢ کیلۆگرامە، و گریمان ئەگەر موشەک هەڵگرەکە ١٥ کیلۆگرام بێت (بەهۆی قەبارەی بچووک و سووکی)، کێشی موشەکەکە دەبێت ٣٣.٦ کیلۆگرام بێت. ئەگەر کێشی قائێم-٥ بە ٢٠ کیلۆ لەبەرچاو بگرین، واتا کێشی ٥٣.٦ کیلۆگرام بۆ یەک باڵ و ١٠٧.٢ کیلۆگرام بۆ هەردوو باڵ دەبێت، واتا کێشی زیاتر لە ١٠٠ کیلۆگرامە. بۆیە زۆرترین توانای هەڵگرتن بۆ ئەم درۆنە زیاترە لە ١٠٠ کیلۆگرام کە تا ئێستا بە فەرمی بڵاونەکراوەتەوە. کەواتە ئەم درۆنە توانای هەڵگرتنی زیاتر لە ١٠٠ کیلۆگرامی هەیە. بەم پێیە زۆرترین کێشی سوودبەخش کە دەتوانرێت هەڵبگرێت ١٥٠ کیلۆگرام دەبێت. دەبێت ئەمە لە پێش چاو وەربگیرێت کە زۆرترین کێشی سوودبەخش هەرگیز لەسەر درۆن دانانرێت.

بە لەبەرچاوگرتنی ئەوەی کە ئەو ژمارە ڕاگەیەندراوانەی لە دوو ڕووداوی فەرمیدا بڵاوکراونەتەوە جیاوازن، دەتوانین بەو ئەنجامە بگەین کە ئێمە مامەڵە لەگەڵ دوو نموونەی موهاجێر ٦ دەکەین بە دەسەڵاتی جیاوازەوە. جگە لەوەش موهاجێر ٦ گۆڕانکاری لە ئامێری نیشتنەوەی پێشەوە و دواوەیدا کراوە. لەوانەیە هەندێک گۆڕانکاری بۆ سووککردنی کێشی موهاجێر ٦ کرا بێت. هه‌روه‌ها ئه‌گه‌ری ئه‌وه‌ش هه‌یه‌ که‌ ئه‌و مۆدێله‌ی که‌ بە سوپای ئێران دراوه‌ توانای هه‌ڵگرتنی زیاتر کرابێت.

درۆنی موهاجێر ٦ دەتوانێت سیستەمی تیام ١٤٠٠ و تاها ١٤٠٠ هەڵبگرێت کە کێشیان ٥ و ٦ کیلۆگرامە، هەروەها دەتوانێت بە کارەبای ١٢ ڤۆڵت دی سی یان ٢٢٠ ڤۆڵت کاربکات. کارپێکردنی ئەم دوو سیستەمە بەم شێوەیەیە کە سەرەتا سیستەمی دیاریکردن و ئاگادارکردنەوەی شەپۆلی ڕاداری تیام ١٤٠٠ دۆزینەوە و ناسینەوەی شەپۆلەکانی ڕاداری دوژمن ئەنجام دەدات، دواتر ئەو زانیاریانەی کە پەیوەندییان بە ڕادارەوە هەیە دەگوازێتەوە بۆ سیستەمی جەنگی ئەلیکترۆنی تاها ١٤٠٠، تا تاها ١٤٠٠ هەوڵی تێکدانی شەپۆلەکانی ڕاداری دوژمن بداتەوە.

موهاجێر ٦ بە دوو سیستەمی تیام ١٤٠٠ و تاها ١٤٠٠

هەروەها جۆرێکی نەناسراوی پۆد لەسەر موهاجێر ٦ لە بنکەی ٣١٣ی سوپای پاسداران بینراوە، کە هیچ زانیارییەکی لەسەر نازانین، ئەم پۆدە لەسەر درۆنی کەمان ١٢ـشدا بەکارهاتووە.

درۆنی موهاجێر ٦ مێژووی زۆری لە بەکارهێناندا هەیە، بەڵام تەنیا چەند نموونەیەکی کەم لە میدیاکاندا بڵاوکراونەتەوە. بۆ نموونە دەتوانین ئاماژە بە ئۆپەراسیۆنەکانی دژ بە تیرۆریستان لە سنوورەکانی باکووری ڕۆژئاوای ئێران لە ساڵی ٢٠١٨ بکەین.

بەکارهێنانی موهاجێر ٦ لە دژی تیرۆریستان لە سنوورەکانی باکووری ڕۆژئاوای ئێران لە ساڵی ٢٠١٨

ئەو ئەرکانەی کە بۆ درۆنی سیخوڕیی شەڕکەری موهاجێر ٦ سپێردراوە بریتین لە سیخوڕی و چاودێری ئاسمانی، لەناوبردنی ئامانجە جێگیر و جووڵاوەکان لەسەر وشکانی و دەریا و لە هەموو بارودۆخێکی کەشوهەوادا لە شەو و ڕۆژ بە وردبینییەکی زۆر بەرزەوە، چاودێری و کۆنترۆڵکردنی سنوورەکان و کەنار دەریاکان، هەروەها توانای هەڵگرتنی هەموو جۆرە بارێکی سەربازی بە توانای نیشتنەوە و هەڵفڕین بە شێوەیەکی ئاسایی لە ڕێڕەوی فڕین و نیشتنەوەی فریاگوزاری بە پەرەشوت.

چەکەکانی موهاجێر ٦:
بۆمبەکان: ٤ بۆمبی سەدید ٣٤٢ بە مەودای نزیكەی ٣ كم، ٢ بۆمبی سەدید ٣٤٥ بە مەودای نزیكەی ٣ كم، ٤ بۆمبی قائێم-١ بە مەودای نزیكەی ٦ كم، ٤ بۆمبی قائێم-٥ یان ٩ بە مەودای نزیكەی ١٢ كم

مووشەکەکان : ٢ مووشەکی سەدید-١ بە مەودای نزیکەی ٧ کم (نەبینراوە، بەڵام دەتوانرێت دابنرێت)، ٤ پارچە مووشەکی ئەخگەر بە مەودای نزیکەی ٣٠ کم (نەبینراوە، بەڵام دەتوانرێت دابنرێت)، ٤ پارچە مووشەکی ئەڵماس بە مەودای نزیکەی ٦ کم (لە ڕووی کێشەوە، دەتوانرێت زیاتر هەڵبگیرێت، بەڵام هیچ هەڵواسراوێکی گونجاوی نییە)، ٢ مووشەکی قائێم ١١٤ بە مەودای ٨ کم (نەبینراوە، بەڵام دەتوانرێت دابنرێت)

ڕۆکێت: ٢ مووشەک هەڵگر، ٣ مووشەکی ٧٠ ملم هایدرا

سیستەمی جەنگی ئەلیکترۆنی:
یەک سیستەمی دیاریکردن و ئاگادارکردنەوەی شەپۆلی ڕاداری تیام ١٤٠٠ و یەک سیستەمی دژە شەپۆلی ڕاداری تاها ١٤٠٠ کە دەتوانرێت تێکەڵەیەک لەم چەک و سیستەمانە بەکاربهێنرێت. هەندێک لەو چەکانەی باسکراون لەسەر موهاجێر ٦ نەبینراون. بەڵام بەهۆی سروشتی دیزاینی چەکەکە و بەکارهێنانی لەسەر درۆنەکانی تر، لێرەشدا ئاماژەی پێکراوە. هەروەها دەتوانرێت چەکی دیکەی وەک ئازەرەخش و هەندێک چەکی پەیوەندیدار بە هێلیکۆپتەرەکان دابنرێت، بەڵام بۆ ئەوەی ئەم چەکانە بەکاربهێنرێت، گۆڕانکاری پێویستە، وەک دروستکردنی هەڵواسینی سکی (fuselage) بۆ دانانی چەکی قورس بە شێوەی تاک لەسەر درۆن.

تایبەتمەندییەکانی درۆنی سیخوڕیی شەڕکەری موهاجێر ٦:
درێژی: ٧.٥ مەتر
درێژی باڵەکان: ١٠ مەتر
بەرزی: ١.٩ مەتر
مەودای ئۆپەراسیۆن: ٢٤٠٠ کم
بەرزی فڕین: ٥٤٨٦ مەتر
بەردەوامی فڕین: ١٢ کاتژمێر
جۆری بزوێنەر: Rotax 912-115 HP
خێرایی: ٢٠٠ کم/کاتژمێر
ژمارەی هەڵواسین: ٢، لەگەڵ ئەگەری گۆڕینی بۆ ٤
زۆرترین کێشی هەڵفڕین: ٦٧٥ کیلۆگرام
توانای هەڵگرتنی چەک: ١٥٠ کیلۆگرام
دروستکراو: ئێران

بۆ بینینی وێنەکە بە قەبارەی گەورەتر کلیکی لەسەر بکە

پۆستەرەکانی درۆنی سیخوڕیی شەڕکەری موهاجێر٦ فڕۆکەی بە زمانەکانی ئینگلیزی، ڕووسی، چینی، عیبری، عەرەبی، ئازەری و فارسی:

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە .