ڕووسیا: سیستەمی بەرگری ئاسمانی سووریا ٩ مووشەکی ئیسرائیلی خستەخوارەوە
هەواڵەکانی جیهانی ئیسلام، وەزارەتی بەرگریی ڕووسیا ڕایگەیاند کە سیستەمی بەرگری ئاسمانی سووریا لە کۆی ٢٠ مووشەک کە لە لایەن فڕۆکە جەنگییەکانی ڕژێمی زایۆنیستی ئاراستەی چەند شوێنێکی پارێزگاکانی حەما و تەرتوس کرا بوون، ٩ مووشەکیان لەناو بردووە.
لە ٢٥ی ئابدا، فڕۆکە جەنگییەکانی رژێمی زایۆنیستی بە تەقاندنی چەند مووشەکێک لە باشووری ڕۆژئاوای پارێزگای تەرتوسەوە، هێرشیان کردە سەر چەند ئامانجێک لە پەراوێزی شاری حەما و تەرتوس.
هەر لەم بارەیەوە وەزارەتی بەرگریی ڕووسیا ڕایگەیاند کە سیستەمی بەرگریی سووریا لە کۆی ٢٠ بۆمب و مووشەک کە فڕۆکە جەنگییەکانی ڕژێمی زایۆنیستی ئاراستەی پێگەکانی سوپای سووریا لە مەسیاف و تەرتوسیان کردبوو، دوو مووشەکی کروز و حەوت بۆمبی زیرەکیان لەناویان بردووە. بەهۆی ئەم هێرشەوە، کۆگاکانی کەرەستە و چەکی تایبەت زیانێکی زۆریان بەرکەوتووە.
وێنەکانی مانگی دەستکرد کە لە ناوچەی مەسیاف بڵاو کراوەتەوە دەریدەخەن کە لە ئەنجامی هێرشی فڕۆکە جەنگییەکانی ڕژێمی زایۆنیستی، لانیکەم چەند باڵەخانەیەک زیانێکی زۆریان بەرکەوتووە و ناوچەکە تووشی ئاگر کەوتنەوە بووە.
لێدوانەکان