ڕەهەندە نوێیەکانی کاریگەری ئیسرائیل لە کۆماری ئازەربایجان

هەروەها تیمێکی پزیشکی ئیسرائیلی کە لە شەش کەس پێکهاتوون، گەیشتوونەتە ئازەربایجان بۆ چارەسەرکردنی سەدان منداڵی تووشبوو بە نەخۆشییە دەگمەنەکان. پێدەچێت ئەم گروپە پزیشکییە پشکنینی سەرەتایی ئەنجام بدات بۆ ناردنی نەخۆشەکان بۆ ناوچە داگیرکراوەکانی فەلەستین بۆ وەرگرتنی چارەسەری زیاتر. دەزگای حەیدەر عەلیێڤ و لەیلی عەلیێڤا، جێگری ئەم دامەزراوەیە و کچە گەورەی سەرۆکی ئازەربایجان، بانگهێشتی ئەم گرووپەیان کردووە.

وەک ئەوەی دیارە رژێمی زایۆنیستی پڕۆژەیەکی درێژخایەن بۆ کاریگەری لەم وڵاتەی باشووری قەفقازدا هەیە و بەو پێیە وەبەرهێنانی لە بەشی پەروەردەیی کردووە.

کاریگەری زیاتری ئیسرائیل لە کەرتی کشتوکاڵی ئازەربایجان
وەزیری كشتوكاڵی ئیسرائیل هەفتەی رابردوو سەردانی باكۆی کرد و لەلایەن هاوتا ئازەریەكەیەوە بە گەرمی پێشوازی لێكرا. بەپێی میدیاکانی ئازەربایجان، وەزیرانی کشتوکاڵی هەردوو حکومەت یاداشتێکی لێکتێگەیشتنیان لەبارەی گواستنەوەی تەکنەلۆژیا و ڕاهێنانی خوێندکاران واژۆ کردووە. ناوەندی کشتوکاڵی پێشکەوتووی ئیسرائیل (AICAT) و زانکۆی کشتوکاڵی دەوڵەتی ئازەربایجان لەسەر بنەمای ئەم یاداشتە هاوکاری یەکتر دەکەن. یەکەم هەنگاوی ئەم یاداشتە بریتییە لە ناردنی ٥٠ خوێندکار بۆ ناوچە داگیرکراوەکانی فەلەستین بۆ ئەوەی لە ماوەی یەک ساڵدا ڕاهێنانیان پێ بکرێت.

هاوردەکردنی دانەوێڵە، سەوزە و میوە و … بەشێکی زۆری پێداویستییەکانی ئەم وڵاتە پێکدەهێنێت. کۆماری ئازەربایجان بۆ کەمکردنەوەی پشتبەستن بە هاوردەکردنی بەرهەمی کشتوکاڵ لە وڵاتانی دراوسێ، لەوانە ڕووسیا و ئێران ئەم پلانە جێبەجێ دەکات.

دوای قەیرانی هەناردەکردنی دانەوێڵە لە ئۆکرانیا و گەمارۆی بازرگانی دانەوێڵەی ڕووسیا، حکومەتی باکۆ بە هاوکاری ئیسرائیل هەوڵ دەدات گەنم لە دەشتەکانی ئەم وڵاتە بەرهەم بهێنێت. دامەزراوەکانی ئیسرائیل شێوازی نوێی چاندن و ئاودێری جێبەجێ دەکەن، کە لەگەڵ بارودۆخی وشک و کەم ئاوی ئەم وڵاتەدا بگونجێت.

یەکێک لە دەرئەنجامەکانی بوونی دامەزراوەکانی ئیسرائیل لە ئازەربایجان، کڕینی زەوی جووتیارانە لەلایەن کەمینەی ٥٠ هەزار کەسی جولەکە بە مەرجی دابینکردنی ئیمکاناتی چاندنی مۆدێرن. ئەوەی لە دەشتی مۆغان و ناوچەی تاڵەشنەشین لە ئازەربایجان دەبینرێت، ئەمە پشتڕاست دەکاتەوە. کڕینی کێڵگەی گەنم و باخەکانی چای ئازەربایجان زەنگی ئاگادارکردنەوە لەسەر سنوورەکانی ئێران بەرز دەکاتەوە. ئەم هاوکارییە لەگەڵ جێبەجێکردنی پڕۆژەی بەنداوەکانی داپ ی تورکیا لەسەر لقەکانی ئاراس، دەتوانێت قەیرانێکی بنەڕەتی لەسەر بەکارهێنانی پشکی ئاوی ئەم ڕووبارە سنوورییە دروست بکات.