هێرشێکی تیرۆریستی کرایە سەر مزگەوتێکی ئەفغانستان

لە کاتی نوێژی هەینی رۆژی رابردوو لە مزگەوتێکی شارۆچکەی دەندپتان لە پارێزگای پەکتیا، تەقینەوەیەک ڕوویدا کە ٣ هاوڵاتی گیانیان لەدەست دا و ٢٠ کەسی دیکەش برینداربوون.

تا ئێستا هیچ گروپێک بەرپرسیارێتی هێرشەکەی لە ئەستۆ نەگرتووە، بەڵام بە لەبەرچاوگرتنی رابردووی هێرشەکانی گروپی تیرۆریستی داعش لە شارەکانی ئەفغانستان و پاکستان، ئەم گروپە وەک تۆمەتباری سەرەکی ئەم هێرشە دادەنرێت.

تەقینەوەی تیرۆریستی لە پەکتیا وەک حەوتەمین هێرشی تیرۆریستی بۆ سەر مزگەوتەکانی ئەهلی سوننەت و شیعەکان، دوای پارێزگاکانی قۆندوز، قەندەهار، نەنگەرهار، کابوڵ و بادغیس لە ئەفغانستان هەژمار دەکرێت.