تیرۆرکردنی فەرماندەیەکی مەیدانی خۆڕاگری لە کەرتی ڕۆژئاوا لەلایەن ئیسرائیلەوە (وێنەکان)

هێزە زایۆنیستییەکان هێرشیان کردە سەر گوندی “عزبە شوفە” لە ڕۆژهەڵاتی طولکرم کە بەهۆیەوە شەڕێکی چەکداری لە نێوان ئەوان و ئەمیر عیماد ئەبو خەدیجە، یەکێک لە فەرماندەکانی فەوجی خۆڕاگری طولکرم ڕوویدا.

بە گوتەی موراد دروبی، سکرتێری گشتی بزووتنەوەی فەتح، هێزەکانی ڕژێمی ئیسرائیل ئەم گەنجە فەلەستینییەیان لە ماڵەکەی خۆیدا بە گوللەی ڕاستەوخۆ دوای گەمارۆدانی ماڵەکەی تیرۆر کردووە. هەروەها دوو فەلەستینی دیکەش لە لایەن سەربازانی ئیسرائیلەوە دەستبەسەر کراون.