ئەمریکا: “فڕۆکەیەکی بێفڕۆکەوانی ئێرانی” لە سوریا کرایە ئامانج

سێنتکۆم بانگەشەی ئەوەی کردووە کە فڕۆکەیەکی بێفڕۆکەوانی دروستکراوی ئێرانی لە میانی ئەرکێکی سیخوڕی بەسەر یەکێک لە بنکەکانی ئەمریکا لە باکووری ڕۆژهەڵاتی سوریا خراوەتە خوارەوە.

ئەم ناوەندە لە بەیاننامەکەیدا ڕایگەیاندووە، “ڕۆژی ١٤ی شوبات، نزیکەی کاتژمێر ٢:٣٠ خولەکی پاشنیوەڕۆ بە کاتی ناوخۆ، هێزەکانی ئەمریکا لە سوریا رووبەڕووی فڕۆکەیەکی بێفڕۆکەوانی دروستکراوی ئێران بوونەوە کە هەوڵی ئەنجامدانی ئەرکێکی سیخوڕی لە بنکەی پشتیوانی کۆنۆکۆ لە باکووری ڕۆژهەڵاتی سوریا دەدا.”