هەزاران زایۆنیست دژی ناتانیاهۆ خۆپیشاندانیان کرد + وێنەکان
هەواڵەکانی جیهانی ئیسلام؛ دەیان هەزار ئیسرائیلی بۆ شەشەمین هەفتەی لەسەریەک لە شارە جۆربەجۆرەکانی فەلەستینی داگیرکراو ناڕەزایەتییان بەرامبەر بە بەرنامەی چاکسازی دادوەری سەرۆکوەزیرانی ئیسرائیل دەربڕی.
ئێوارەی رۆژی رابردوو (شەممە)، دەیان هەزار زایۆنیست لە چەندین شاری گەورەی ناوچە داگیرکراوەکان، لەوانە تەلئەبیب، حەیفا، قودسی داگیرکراو و بئر ئەلسەبع دژی پلانەکانی چاکسازیی دادوەریی ناتانیاهۆ خۆپیشاندانیان کرد. هاوکات لەگەڵ ئەم خۆپیشاندانە، پۆلیسی ئیسرائیل بەشێک لە شەقامەکانی تەلئەبیبی داخست و ڕێوشوێنی ئەمنی توندی گرتەبەر.
بە پێی میدیاکانی عیبری، بەشێک لە کەسایەتییە سیاسییەکانی پێشووی ئیسرائیل و ئەندامانی ئۆپۆزسیۆنی ئەم ڕژێمەش بەشداری لەم خۆپیشاندانەیان کردبوو.
خۆپیشاندانی زایۆنیستەکان لە شارە جۆربەجۆرەکانی فەلەستینی داگیرکراو لە ڕۆژانی شەممەی هەموو هەفتەیەک ئەنجام دەدرێت. ئەم گردبوونەوانە وەک ناڕەزایەتییەک بەرامبەر بە بەرنامەی چاکسازیی دادوەریی بنیامین ناتانیاهۆ، سەرۆک وەزیرانی ڕژێمی ئیسرائیل بەڕێوە دەچێت و پێی ناوەتە شەشەمین هەفتەدا. خۆپیشاندەران پێیان وایە ئەو چاکسازییە دادوەرییانەی کە حکومەتی نوێی ئیسرائیل پێشنیاری کردووە، گورزێکی کوشندە لە سەربەخۆیی دەسەڵاتی دادوەری دەدات.
لێدوانەکان