جێگیرکردنی شەش هەزار سەربازی عێراقی لەسەر سنوورەکان لەگەڵ ئێران و تورکیا
![](https://kurdish.iswnews.com/wp-content/uploads/2023/01/Abdul-Amir-al-Shammari.jpg)
هەواڵەکانی جیهانی ئیسلام؛ وەزیری ناوخۆی عێراق بڵاوەپێکردنی شەش هەزار پاسەوانی لەسەر سنوورەکانی عێراق لەگەڵ ئێران و تورکیا ڕاگەیاند.
عەبدولئەمیر شەمری، وەزیری ناوخۆی عێراق بڵاوەپێکردنی شەش هەزار پاسەوانی لە بنکە سنوورییەکان بە ئامانجی کۆنترۆڵکردنی سنوورەکانی عێراق لەگەڵ ئێران و تورکیا ڕاگەیاند.
ناوبراو لەمبارەیەوە وتی؛
بڕیار و ڕێوشوێنەکان سەبارەت بە کۆنترۆڵکردنی سنوورەکان لەگەڵ ئێران و تورکیا گیراوەتەبەر و بودجەیەکیش بۆ پاراستنی سنوور لەگەڵ تورکیا، دروستکردنی خاڵی سەربازی، دانانی کامێرا و دروستکردنی تاوەری چاودێری تەرخانکراوە. سنوورەکانی عێراق هێڵی سوورە و لە کۆنترۆڵکردنیان کەمتەرخەم نابین.
شەمری بە ئاماژە بە هەماهەنگی نێوان عێراق و تورکیا ڕایگەیاند کە دەسەڵاتدارانی تورکیا ١٧ شوێنیان بۆ دروستکردنی خاڵی سەربازی بەدرێژایی سنووری ئەم وڵاتە دەستنیشان کردووە. ئێمە لەگەڵ تورکیا سەرقاڵی هەماهەنگی بۆ کۆنترۆڵکردنی سنوورەکان داین سەرەڕای سروشتی سەخت و شاخاوییەکان.
وەزیری ناوخۆی عێراق ڕایگەیاند، هەماهەنگی لە نێوان بەغدا و هەرێمی کوردستان سەبارەت بە کۆنترۆڵکردنی سنوورەکان هەیە و وتی: هێزەکانی پێشمەرگە بەشێکن لە ئۆپەراسیۆنی کۆنترۆڵکردنی سنوورەکان و ناوەندێک بۆ هەماهەنگی نێوان فەرماندەیی هێزەکانی سنوور و پێشمەرگە دامەزراوە.
شایانی باسە ڕۆژی ٢٣ی تشرینی دووەمی ٢٠٢٢، ئەنجومەنی ئاسایشی نیشتمانیی عێراق، لە میانەی کۆبوونەوەیەکدا بە سەرۆکایەتی محەمەد شیاع سودانی، سەرۆکوەزیرانی ئەم وڵاتە، تاوتوێی هێرشەکانی ئەم دواییەی ئێران و تورکیا بۆ سەر ناوچەکانی باکووری عێراق کرد و چوار بڕیاری نوێی بۆ بڵاوەپێکردنی هێزەکانی عێراقی لە سنوورەکانی هەرێمی کوردستانی عێراق لەلایەن ئێران و تورکیا پەسەندکرا. ئەم بڕیارە ماوەیەک دوای هۆشدارییە جدییەکانی ئێران بۆ دەسەڵاتدارانی عێراق و هێرشی هێزە چەکدارەکانی ئێران بۆ سەر پێگەی گرووپە تیرۆریستییەکان لە هەرێمی کوردستان و هەروەها دیداری سەرۆکوەزیرانی عێراق لەگەڵ بەرپرسانی باڵای ئێران درا.
لێدوانەکان