هاوڕەگەزبازێک بوو بە سەرۆکی کنێستی ئیسرائیل!
هەواڵەکانی جیهانی ئیسلام؛ حکومەتی توندڕەوی ڕژێمی زایۆنیستی بە سەرۆکایەتی بنیامین ناتانیاهۆ ئەمڕۆ پێنجشەممە لە کنێست سوێندی یاسایی دەخوات و ئەمیر ئۆحاناش وەک سەرۆکی کنێست هەڵبژێردرا.
ئەمڕۆ کابینەی ٣٧ی ڕژێمی زایۆنیستی پێکدەهێنرێت و ناتانیاهۆ بۆ جاری شەشەم وەک سەرۆک وەزیرانی داگیرکەران دەستبەکار دەبێت.
کابینەی نوێی ئەم رژێمە، توندڕەوترین و گەندەڵترین کابینەی ڕاستڕەوی مێژووی رژێمی زایۆنیستیە، کە ئەندامانی بە تیرۆر، گەندەڵی، ساختەکاری و خیانەت تۆمەتبارن.
لە لایەکی دیکەوە ڕۆژی رابردوو ئەمیر ئۆحانا وەک سەرۆکی نوێی کنێست هەڵبژێردرا.
ئۆحانا، ئەندامی پارتی لیکود و پیاوێکی هاوڕەگەزبازە کە وێنەکەی لەگەڵ هاوسەرە هاوڕەگەزبازەکەیدا بڵاوکراوەتەوە، ئۆحانا دوای دەستلەکارکێشانەوەی یاریۆ لڤین لە پارتی لیکود وەک سەرۆکی نوێی کنێست هەڵبژێردرا.
ناوبراو بە ڕەچەڵەک مەغریبیە و پێشتر لەلایەن ناتانیاهۆوە بۆ وەرگرتنی پۆستی دادوەری هەڵبژێردرابوو.
ئۆحانا پشتگیری لە هاوسەرگیری هاوڕەگەزبازان دەکات و بە ئاشکرا دان بەوەدا دەنێت کە هاوڕەگەزبازە.
لێدوانەکان