شەهیدێک و چەند بریندارێک لە هێرشی هێزەکانی زایۆنیستی لە ڕۆژهەڵاتی نابلوس
هەواڵەکانی جیهانی ئیسلام؛ مانگی سووری فەلەستین بەیانی ئەمڕۆ پێنجشەممە لە هێرشی هێزەکانی ڕژێمی زایۆنیستی بۆ سەر ناوچەی شەرقییە لە شاری نابلوس شەهید بوونی گەنجێک و برینداربوونی ٥ کەسی دیکەی ڕاگەیاند.
شایەتحاڵان ڕایانگەیاندووە، لە هێرشی سەربازانی ڕژێمی زایۆنیستی بۆ سەر ناوچەی شەرقییە — کە هەوڵیان دەدا پشتیوانی لە دەستدرێژی دانیشتوانی زایۆنی بۆ سەر گۆڕی پێغەمبەر یوسف بکەن — ١٩ کەسی دیکەش تووشی تەنگە نەفەسی بوون. لەم هێرشەدا کە بووە هۆی ڕووبەڕووبوونەوەی نێوان سەربازانی ڕژێمی زایۆنیستی و گەنجە فەلەستینیەکان، سەربازانی ئەو ڕژێمە بۆمبی گازی و گوللەی جەنگ و پلاستیکی بەکارهێنا.
سەرچاوەکانی تەندروستی ڕایانگەیاند، لە ئەنجامی تەقەکردنی سەربازانی ئیسرائیلی، گەنجێک بە ناوی ئەحمەد عاتێف (ئەبو سیاج)، یاریزانی تۆپی پێی تەمەن ٢٣ ساڵ، بە سەختی بریندار و شەهید بوو.
ئاژانسی ھەواڵی وەفا بە گێڕانەوە لە ھەمان سەرچاوەکان ڕایگەیاند، لەم هێرشەدا ٤ گەنج برینداربوون، یەکێکیان بەھۆی سەختی برینەکەیەوە گیانی لەدەستداوە، ھەروەھا باس لەوە دەکرێت کە بارودۆخی دوو گەنجی دیکەش ناجێگیرە. هەروەها ١٩ کەسیش تووشی تەنگە نەفەسی بوون.
لێدوانەکان