پێشهاتەکانی عێراق، ٢١ی تشرینی دووەمی ٢٠٢٢

١- بەغدا:
– لە ١٨ی ئەم مانگە، مەهدی سەمیدعی موفتی ئەهلی سوننەی عێراق لەگەڵ ئیسماعیل قائانی فەرماندەی هێزی قودسی سوپای پاسداران کۆبووەوە. ئەم دیدارە لە “دار ئەلئەفتا” لە بەغدا و بە ئامادەبوونی محەممەد کازم ئالی سادق باڵیۆزی ئێران لە عێراق بەڕێوەچوو. وردەکارییەکانی ئەم کۆبوونەوەیە بڵاو نەکراوەتەوە.
– لە ١٥ی ئەم مانگە، محەمەد شیاع سودانی، سەرۆکوەزیرانی عێراق لەگەڵ سەتام جدعان ئەلدەندەح، باڵیۆزی سووریا لە بەغدا سەبارەت بە زیادکردنی هاوکاری هاوبەشی نێوان هەردوو وڵات گفتوگۆی کرد.

٢- دیالە:
– لە ١٩ی ئەم مانگە هێزەکانی حەشدی شەعبی ئۆپەراسیۆنێکی ئەمنییان لە چیای حەمرین بۆ پشکنین و گەڕان بەدوای شانە نووستوەکان و حەشارگەکانی داعش دەستپێکرد.
– لە ١٩ی ئەم مانگە، عەلی ئەلحەمدانی، فەرماندەی لیوای ١١ی حەشدی شەعبی، کوژرانی ئەبو حەسەن ئەلنەعیمی، فەرماندەیەکی مەیدانی گرووپی تیرۆریستی داعشی لە چیای حەمرین ڕاگەیاند.

٣- ئەنبار:
– لە ١٩ی ئەم مانگە شانەی بەرەنگاربوونەوەی تیرۆریزمی عێراق کوژرانی یەکێک لە فەرماندە مەیدانییەکانی گرووپی تیرۆریستی داعش بە ناوی ئەبو عیسا لە پارێزگای ئەنبار ڕاگەیاند.
– لە ١٩ی ئەم مانگە هێزەکانی ڕێکخراوی حەشدی شەعبی ئەندامێکی گرووپی تیرۆریستی داعشیان لە ڕۆژهەڵاتی ئەنبار دەستگیرکرد.

٤-کەرکوک:
لە ١٩ی ئەم مانگە سێ سەربازی عێراقی لە ئەنجامی هێرشی گرووپی داعش بۆ سەر یەکێک لە بارەگاکانی سوپای عێراق لە ناوچەی دبس لە پارێزگای کەرکوک گیانیان لەدەست دا.

٥- سەلاحەددین:
لە ١٦ی ئەم مانگە، هێزەکانی لیواکانی ٩ و ٨٨ی حەشدی شەعبی، ئۆپەراسیۆنێکی ئەمنییان لە دوورگەی ئەلعیث لە پارێزگای سەلاحەددین دەستپێکرد.

٦- نەینەوا:
لە ٢٠ی تشرینی دووەم، هێزە ئەمنییەکانی عێراق، لە ڕۆژی دووەمی قۆناغی هەشتەمی ئۆپەراسیۆنی ئیرادەی پۆڵاییندا، دەستیان بە پشکنین و گەڕان بەدوای داعش و حەشارگەکانی ئەم گرووپە تیرۆریستییە لە باشووری موسڵ کرد.

٧- لە ١٥ی ئەم مانگە عەبدوللەتیف ڕەشید سەرۆک کۆماری عێراق لەگەڵ چەند بەرپرسێکی هەرێمی کوردستان کۆبووەوە.

٨- فالح فەیاز، بەرپرسی ڕێکخراوی حەشدی شەعبی، لە مەراسیمی شەشەمین ساڵیادی شەهیدبوونی جاسم شەبر، ڕایگەیاند، “ئەم ڕێکخراوە دامەزراوەیەکی سەربازییە کە فەرمان لە فەرماندەی گشتی وەردەگرێت. لە هێزە چەکدارەکانی عێراق. خوێنی شەهیدان بەرزترین پلەی دڵسۆزییە و حەشدی شەعبی پاراستووە.

٩- بەپێی بانگەشەی میدیایەکی ڕۆژئاوایی، لە سەردانەکەی ئەم دواییەدا، ئیسماعیل قائانی فەرماندەی هێزی قودسی سوپای عێراق هۆشداری داوەتە دەسەڵاتدارانی عێراق، ئەگەر سوپای عێراق لەسەر سنووری هاوبەشی نێوان ئێران و هەرێمی کوردستان جێگیر نەبێت، یان ئەگەر بارەگای تیرۆریستانی داعش لەم ناوچەیەدا لانەبرن، ئەوا هێزەکانی ئێران ئۆپەراسیۆنێکی زەمینی بەرفراوان بۆ نەهێشتنی تیرۆر لە هەرێمی کوردستان دەست پێدەکەن.

١٠- لە ٢١ی ئەم مانگە، دوای ئەوەی وەزیری بەرگری تورکیا فەرمانی دەستپێکردنی ئۆپەراسیۆنی چنگی شمشێری دەرکرد، فڕۆکەکانی سوپای ئەم وڵاتە پێگەکانی گرووپە کوردییەکانیان لە ناوچەکانی باکووری عێراق و سووریا کردە ئامانج.