جێگیرکردنی سیستەمی بەرگری ڕژێمی زایۆنیستی لە ئیمارات
هەواڵەکانی جیهانی ئیسلام؛ بەگوێرەی میدیاکانی زایۆنیستی، وێنەکانی مانگی دەستکرد کە لە ئیماراتی یەکگرتووی عەرەبییەوە گیراون، جێگیرکردنی لانیکەم دوو سیستەمی بەرگری ئاسمانی ناسراو بە “باراک”ی ڕژێمی زایۆنیستی لەم وڵاتەدا نیشان دەدەن.
بەگوێرەی میدیاکانی زایۆنیستی، وێنەکانی مانگی دەستکرد کە لە ئیمارات گیراون، لانیکەم جێگیرکردنی دوو سیستەمی بەرگری ئاسمانی “باراک”ی ڕژێمی زایۆنیستی پیشان دەدەن کە بە پێی ئەم ڕاپۆرتانە بۆ بەرگریکردن لە بەرامبەر کۆمەڵێک هەڕەشەی ئاسمانی لەلایەن ئێرانەوە جێگیرکراون.
بەگوێرەی ڕاپۆرتی ڕۆژنامەی ئۆرشەلیم پۆست، بەگوێرەی وێنەکانی مانگی دەستکرد کە لەلایەن تاکتیکاڵ ڕیپۆرتەوە بڵاوکراوەتەوە، کە تیشک دەخاتە سەر ڕووداوەکانی وڵاتانی کەنداوی فارس و ناوچەی ڕۆژئاوای ئاسیا، پاتری و ڕادارێکی Elta EL/M-2084 لە نزیک بنکەی ئاسمانی ئەلزەفرە لە نزیک ئەبوزەبی جێگیرکراون.
بەگوێرەی ڕۆژنامەکە، ئەو پاترییانە لە یەکەمین بابەتەکانی پرۆسەیەکە کە دەتوانێت گرێبەستێکی گەورە بێت بۆ سیستمی زیاتر بۆ پاراستنی شوێنە هەستیارەکانی ئیمارات کە پێشتر بە مووشەک و فڕۆکە بێفڕۆکەوانەکانی ئەنساروڵڵای یەمەنەوە کراونەتە ئامانج.
بەگوێرەی ڕۆژنامەی ئۆرشەلیم پۆست، ئیمارات بەشێکە لە هەڵمەتە سەربازییەکانی دژی حوسییەکانی یەمەن (ئەنساروڵڵا)، کە گوایە لەلایەن ئێرانەوە پاڵپشتی دەکرێن و لە چەند مانگی ڕابردوودا چەندین جار بووەتە ئامانجی هێرشی مووشەکی و فڕۆکە بێفڕۆکەوانەکانی ئەوانەوە.
بە پێی ئەم ڕاپۆرتە، ڕژێمی زایۆنیستی لە بەرامبەر ئەم جۆرە هێرشانەدا پێشنیاری هاوکاری پێشکەش بە ئیمارات کردووە و دوای هێرشی مووشەکی و فڕۆکە بێفڕۆکەوانی ساڵی ڕابردوو لە ئەبوزەبی، نەفتالی بێنێت، سەرۆک وەزیرانی ئەو کاتەی ئەم ڕژیمە، فەرمانی بە هێزە ئەمنییەکانی ئیسرائیل کرد تا لەبەرامبەر هێرشەکانی داهاتوو هەر یارمەتیەک کە دەتوانن پێشکەش بە ئیمارات بکەن.
لێدوانەکان