داوای یارمەتی ئەرمینیا لە ڕێکخراوی پەیمانی ئاسایشی بەکۆمەڵ
هەواڵەکانی جیهانی ئیسلام؛ نیکۆڵ پاشینیان لە وتارەکەیدا لە پەرلەمانی ئەرمینیا داوای لە ڕێکخراوی پەیمانی ئاسایشی بەکۆمەڵ کرد کە هێرشەکانی ئازەربایجان لە ١٤ و ١٥ی ئەیلول بە مەترسی بۆ سەر یەکپارچەیی خاکی ئەرمینیا بزانێت و ڕێگەچارەیەک پێشکەش بکات بۆ کۆنترۆڵکردنەوەی ناوچە داگیرکراوەکان.
پاشینیان هەروەها باس لە کۆبوونەوەی سێ قۆڵی لەگەڵ ڤلادیمێر پوتین و ئیلهام عەلیێڤ لە سوچی کردەوە. ناوبراو هیوای خۆی دەربڕی کە لە کۆبوونەوەی هەفتەی داهاتوودا لە سوچی بتوانێت بە نێوەندگیری ڕووسیا ڕێککەوتنی ئاشتی لەگەڵ ئازەربایجان واژۆ بکات.
کۆماری ئازەربایجان داگیرکردنی بەشێک لە خاکی ئەرمینیا لە پارێزگای کیگارکۆنیک پشتڕاست کردەوە. دەسەڵاتدارانی باکو سنوورە ناڕوونەکان و هەوڵدان بۆ پەساندنی سەروەری وەک هۆکاری ئۆپەراسیۆنە سەربازییەکان و داگیرکارییەکانیان راگەیاندووە.
لە ڕێکخراوی پەیمانی ئاسایشی بەکۆمەڵدا، ئەندامانی ئەم ڕێکخراوە بەرپرسن لە بەرگریکردنی بە کۆمەڵ لە بەرامبەر مەترسییەکانی سەر یەکپارچەیی خاکی هەریەک لە وڵاتانی ئەندامی ئەم ڕێکخراوە. ڕێکخراوی پەیمانی ئاسایشی بەکۆمەڵ یەکێکە لە ڕێکخراوە شەڕکەر و فرە مەبەست لە ئاسیای ناوەڕاست و ناوچەی قەفقاز. دوای ڕووخانی یەکێتی سۆڤیەت، دەسەڵاتی سیاسی و ئابووری و سەربازیی فیدراسیۆنی ڕووسیا کەمی کردەوە. ڕووسیا ڕێکخراوێکی لەو جۆرەی دامەزراند بە ئامانجی زیادکردنی تواناکان و هێشتنەوەی وڵاتانی ئەندامی پێشوو بە یەکگرتوویی.
فیدراسیۆنی ڕووسیا کە ئەندامی سەرەکی ئەم ڕێکخراوە و خاوەنی چەکی ئەتۆمی یەکێتی سۆڤیەتی پێشووە، تا ئێستا دەستدرێژی و داگیرکردنی خاکی ئەرمینیا لەلایەن ئازەربایجانەوە بە ململانێیەکی سنووری زانیوە.
لە جەنگی دووەمی قەرەباغدا ئەم ڕێکخراوە بە فەرمی کاردانەوەیەکی بەرامبەر بە وڵاتانی بەشداربوو نیشان نەدا. ڕووسیا، کازاخستان، بێلاڕووس، ئەرمینیا، تاجیکستان، قرقیزستان ئەندامی سەرەکین و سربیا و ئەفغانستان وڵاتانی ئەندامی چاودێر لە ڕێکخراوی پەیمانی بەرگری بەکۆمەڵن (CSTO). لە ساڵانی ڕابردوودا وڵاتانی جۆرجیا و ئازەربایجان و ئۆزبەکستان بەهۆی جیاوازی هەڵوێستەکانیانەوە لەم ڕێککەوتنە کشاونەتەوە.
سەبارەت بە هەڵوێستەکانی سەرۆکوەزیرانی ئەرمینیا لەسەر پرسی قەرەباغ، کێشە و ڕەخنەی زۆر هەیە. نیکۆڵ پاشینیان تا ئێستاش هەڵوێستێکی دیاریکراو و یەکلاکەرەوەی سەبارەت بە سەرۆکی ئازەربایجان نییە، یان وەک پرۆسەی شەڕی دووەمی قەرەباغ و دەستدرێژیی سنووری سوپای وڵاتی دراوسێ بە سیاسەتێکی ناڕوون هەڵسوکەوت دەکات. پاشینیان لە لایەکەوە دەیەوێت فشاری نەیارەکانی کەم بکاتەوە و لە لایەکی دیکەشەوە دەیەوێت لەگەڵ عەلیێڤ گفتوگۆ بکات و مەرجەکانی ئەم حکومەتە قبوڵ بکات.
لێدوانەکان