گوشاری تاڵیبان بۆ سەر ئاوارەکانی شەڕ لە بەلخ
هەواڵەکانی جیهانی ئیسلام؛ تاڵیبان سەدان خێزانی ئاوارەی شەڕ و وشکەساڵی ناچار بە جێهێشتنی پارێزگای بەلخ کرد.
چەکدارانی تاڵیبان فەرمانی گواستنەوەی زۆرەملێی ٦٠٠ بنەماڵەی ئاوارەی کەمپی (unit Camp) لە شارۆچکەی دێهدادی دەرکرد. سەرەڕای خراپی بارودۆخی ژیان و گوزەرانی ئاوارەکانی کەمپی یونیت، تاڵیبان بۆ خێراکردنی پروسەی گواستنەوەیان، هاوکاریی ڕێکخراوە خێرخوازییەکانی بۆ ئەو کەسانە ڕاگرت.
کەمپی یونیت دەکەوێتە شاری دێهدادی پارێزگای بەلخ و زیاتر لە ٦٠٠ بنەماڵەی ئاوارە لە پارێزگاکانی سەرپوڵ، جوزجان، فاریاب و بەغلان تێدا نیشتەجێن.
دوای کۆنترۆڵکردنی ئەنفغانستان لەلایەن تاڵیبانەوە، چەکدارانی تاڵیبان بۆ پشتیوانی لە لایەنگران و هۆزە هاوپەیمانەکانیان، ژمارەیەک فەرمانیان وەک گواستنەوەی زۆرەملێ، دەستبەسەرداگرتنی زەوی و موڵک و ماڵ و.. لە پارێزگاکانی سەرپوڵ، دایکوندی، بەغلان، پەنجشیر و غەزنی دەرکردووە.
لێدوانەکان