گفتوگۆی تایبەتی چەندین وڵات لەگەڵ تالیبان

هەواڵەکانی جیهانی ئیسلام: موحەمەد نەعیم وردەک ووتەبێژی شاندی سیاسی تالیبان لە کۆبوونەوەی تالیبان لەگەڵ چوار وڵاتی ئەمریکا و روسیا و چین و پاکستان لە قەتەر هەواڵی دایەوە.

لەم کۆبوونەوەیەدا کە ئێوارەی رۆژی رابردوو (هەینی) لە دەوحەی قەتەر بەڕێوەچوو، چەندین پرسی وەک لابردنی ناوی سەرکردە و ئەندامانی تالیبان لە لیستی ڕەشی نەتەوە یەکگرتووەکان و ئازادکردنی تەواوی زیندانییانی تالیبان و پرۆسەی ئاشتی ئەفغانستان تاوتوێ کرا.

چاوەڕوان دەکرێت ئەمریکا بەم زووانە ناوی سەرکردەکانی تالیبان لە لیستی ڕەشی خۆی و نەتەوە یەکگرتووەکان دەربهێنرێت و داوا لە حکومەتی ئەفغانستان بکات بۆ ئازادکردنی ئەو دیلانەی تالیبان کە لە زیندانەکانی ئەو وڵاتە ماونەتەوە.