فەرماندەی نوێی سێنتکۆم دەست بە کار بوو

کوریلا پێشتر فەرماندەی بنکەی ئاسمانی ١٨ی کارۆلینای باکوور بووە و بەشداری شەڕی عێراقی کردوە و لە ساڵی ٢٠٠٥دا لە موسڵ بریندار بووە.

هەروەها ناوبراو لە ساڵانی ٢٠٠٤- ٢٠١٤ لە رۆژهەڵاتی ناوەڕاست ئەرکی جۆراوجۆری لە ئەستۆ گرتووە و لە قۆناغی سەرۆکایەتی باراک ئۆبامادا فەرماندەی هێزی تایبەت بووە بۆ ئۆپەراسیۆنەکانی بەرەنگاربوونەوەی تیرۆر لە عێراق و ئەفغانستان.

لە دانیشتنی لیژنەی هێزە چەکدارەکانی ئەنجومەنی پیران لە ٨ی شوبات، جەنەراڵ کۆریلا ڕایگەیاند کە چالاکییە مەترسیدارەکانی ئێران و گروپە نزیکەکانی لە ناوچەکە بووەتە جێی نیگەرانی. ناوبراو لە کۆبوونەوەکەدا جەختی لەسەر پێویستی ڕێگریکردن لە ئێران لە بەدەستهێنانی چەکی ناوەکی و بەرپەرچدانەوەی کاریگەریە ناوچەییەکانی ئێران کردەوە.