واشنتۆن: هێرشی سەر هێزەکانی ئەمریکا لە عێراق زیاتر بووە
وتەبێژی وەزارەتی دەرەوەی ئەمریکا لە کۆنگرەیەکی ڕۆژنامەوانیدا وتی کە پاش کشانەوە لە ڕێکەوتنی ناوەکی، بە تیرۆریست ناساندنی سوپای پاسداران و تیرۆری (شەهید) قاسم سولێمانی، هێرشی سەر هێزەکانی ئەمریکا چوار هێندە زیادی کردووە.
ند پرایس وتەبێژی وەزارەتی دەرەوەی ئەمریکا وتی: پاش ئەوەی کە دوناڵد ترەمپ سەرۆک کۆماری پێشووی ئەمریکا لە ڕێکەوتنی ناوەکی لە گەڵ ئێران کشایەوە و هەروەها لە پاش بە تیرۆریست ناساندنی سوپای پاسدارانی ئێران و تیرۆری (شەهید) قاسم سولێمانی فەرماندەی پێشووی هێزی قودسی سوپای پاسداران، ئێران گەشەی بە پلانی ناوەکی خۆی داوە و هێرشی سەر دامەزراوەکان و هاوبەشەکان و هێزەکانی ئەمریکا لە ناوچەکە بە تایبەت لە عێراق بە شێوازی بەرچاو زیادی کردووە.
ناوبراو وتی: لە ساڵی 2012 تا 2018 هێرشی سەر هێزەکان و دامەزراوە دیپلۆماسییەکانی ئەمریکا لە عێراق بەرچاو نەبوو. ئەمە لە ساڵی 2018 تووشی گۆڕانکاری بوو و لە نێوان ساڵانی 2019 و 2020 ڕێژەی هێرشەکان لە سەدا 400 زیادی کرد و ئەمەش لە پاش کشانەوە لە ڕێکەوتنی ناوەکی، بە تیرۆریست ناساندنی سوپای پاسداران و کوشتنی قاسم سولێمانی ڕووی داوە.
وتەبێژی وەزارەتی دەرەوەی ئەمریکا ڕایگەیاند کە واشنتۆن بڕوای بەوە هەیە کە گەڕانەوە بۆ ڕێکەوتنی ناوەکی، ستراتیژێکی گونجاوە.
جام کوردی
لێدوانەکان