سێ فڕۆکەی ئێف-٣٥ ڕادەستی سوپای ئیسرائیل کران
پێنجشەممە 24 ئازار 2022 - 18:37
https://kurdish.iswnews.com/?p=9142
هەواڵەکانی جیهانی ئیسلام؛ کۆمپانیای “لاکهید مارتین”ی ئەمریکی سێ فڕۆکەی جەنگی ئێف-٣٥ی ڕادەستی سوپای ئیسرائیل کرد.
بەپێی سەرچاوە زایۆنیستەکان، سەرەتا فڕۆکە جەنگییەکان دەگەنە ئەوروپا و دوای وەرگرتنی سووتەمەنی بەرەو فەڵەستینی داگیرکراو بەڕێدەکەون.
لەگەڵ ئەم سێ فڕۆکەیە، هێزی ئاسمانی سوپای ڕژێمی زایۆنیستی لەئێستادا ٣٣ فڕۆکەی ئێف-٣٥ی هەیە.
بە لەبەرچاوگرتنی رابردووی جێگیرکردنی فڕۆکە جەنگییەکانی ئێف-٣٥ لە بنکە ئاسمانییەکانی رژێمی زایۆنیستی، ئەگەری ئەوە هەیە ئەم سێ فڕۆکەیە لە بنکەی نێڤاتیم (نێفاتیم) لە ڕۆژھەڵاتی شارۆچکەی بیرسەبع جێگیر بکرێت.
لە ساڵی ٢٠١٦دا ئیسرائیل و کۆمپانیای لاکهید مارتین ڕێکەوتنێکیان بۆ کڕینی ٥٠ فڕۆکەی جەنگی ئێف-٣٥ و رادەستکردنیان بە ماوەی پێنج ساڵ واژۆ کرد. یەکەم فڕۆکەی لەم جۆرە لە کانوونی یەکەمی ٢٠١٦ گەیشتە بنکەی ئاسمانی نێڤاتیم.
لێدوانەکان