رێبەری تاڵیبان پارێزگاری ئۆزبەکی تەخاری دوور خستەوە
هەواڵەکانی جیهانی ئیسلام؛ مەلا هەیبەتوڵڵا ئاخوندزادە رێبەری تاڵیبان لە فەرمانێکدا مەلا نورەدین پارێزگاری ئۆزبەکی پارێزگای تەخار و جێگرەکەی لە کار دوور خستەوە.
مەلا هەیبەتوڵڵا ئاخوندزادە رێبەری تاڵیبان لە فەرمانێکدا مەلا نورەدین پارێزگاری ئۆزبەکی پارێزگای تەخار و مەلا جان موحەممەد جێگرەکەی لە کار دوور خستەوە.
پێش دەرکردنی فەرمانەکە، تاڵیبان دوای گەڕان و پشکنینی شوێنی نیشتەجێبوونی مەلا نورەدین لە شارۆچکەی بەهارەک، دەستیان بەسەر تەواوی چەک و تەقەمەنییەکانی ناوبراو گرتبوویەوە.
جێی ئاماژەیە، ئۆتۆمبێلەکەی پارێزگاری تەخار لە ٣١ی شوبات لەلایەن چەند کەسێکی نەناسراوەوە لە بەردەم ماڵەکەی تەقێندرایەوە.
هەرچەندە تا ئێستا هۆکاری دوورخستنەوەی مەلا نورەدین و جێگرەکەی لەلایەن سەرکردایەتی تاڵیبانەوە ڕانەگەیەندراوە، بەڵام میدیاکانی ئەفغانی پێیانوایە کە تاڵیبان لە جەستەی ڕێکخراوەیی خۆیدا دەستی بە کێوماڵکردنی نەژادی کردووە.
لێدوانەکان