سوپای پاسدارانی ئێران مانگێکی دەستکردیی سەربازی ڕەوانەی بۆشایی ئاسمان کرد + ڤیدیۆ
هێزی ئاسمانی سوپای پاسدارانی ئێران مانگێکی دەستکردیی سەربازی بە ناوی “نوور٢” بە سەرکەوتوویی لە مەودای ٥٠٠ کیلۆمەتریی زەوی جێگیر کرد.
هەواڵەکانی جیهانی ئیسلام؛ هێزی ئاسمانی سوپای پاسدارانی ئێران بە بەکارهێنانی مانگیلە بەری قاسد لە بیابانەکانی ئەو وڵاتە مانگی دەستکردی “نوور٢”ی لە مەودای ٥٠٠ کیلۆمەتریی زەوی جێگیر کرد. نوور٢ بە خێرایی ٧.٦ کیلۆمەتر لە هەر چرکەیەکدا و دوای ٤٨٠ چرکە توانی بگاتە خولگەی زەوی.
شایانی باسە سوپای پاسدارانی ئێران لە نیسانی ساڵی ٢٠٢٠ یەکەم مانگی دەستکردیی سەربازی بە ناوی “نوور١” بە سەرکەوتوویی ڕەوانەی بۆشایی ئاسمان کرد بوو و سەرەڕای پێشبینیەکان بۆ تەمەنی یەک ساڵەی نوور١، ئەو مانگە دەستکردە تا ئێستاش کار دەکات و بەردەوام زانیاری ڕەوانەی زەوی دەکات.
هەر لەم بارەیەوە جەنەراڵ حوسێن سەلامی، فەرماندەی گشتی سوپای پاسداران لە رێورەسمی ئاراستەی کردنی نوور٢ رایگەیاند: سوپاسی خودای گەورە دەکەین کە دیارییەکی گەورە و دەستکەوتێکی مەزنی بە میللەتی ئێران بەخشیوە و بە دڵسۆزییەوە ڕایدەگەیەنین کە ئەمە جگە لە هاوکاری و یارمەتی خودا هیچ نییە کە لە بارودۆخێکی وەهادا دیارییەکی گەورە و هەواڵێکی زۆر خۆش و شەرەفێکی مەزن بە گەلی ئێمە بەخشیوە.
فەرماندەی گشتی سوپای پاسداران ووتی: ئێران یەکەم وڵاتی موسڵمانە کە مانگی دەستکردی ڕەوانەی بۆشایی ئاسمان دەکات. پیرۆزبایی لە برای ئازیزم سەردار حاجیزادە فەرماندەی هێزی ئاسمانی و مووشەکیی سوپا و تەواوی ئەو ئازیزانە دەکەم کە شاهیدی هەوڵەکانیان بووین، و لە ماوەی چەند ساڵی ڕابردوودا توانیویانە سەرەڕای گەمارۆکانەوە ئەم هەنگاوە بگرنە بەر.
لێدوانەکان