پێشهاتەکانی یەمەن، ١٧ی شوباتی ٢٠٢٢
هەواڵەکانی جیهانی ئیسلام؛ پێکدادانەکانی ئەنساروڵڵا و هێزەکانی هاوپەیمانی سعودیە لە میحوەرەکانی باشوری پارێزگای مارب و سنورەکانی باکوری پارێزگاکانی سەعدە و حەجە بەردەوامە.
١- حەجە:
بەردەوامی پێکدادانەکانی ناوبەناوی ئەنساروڵڵا و هاوپەیمانی سعودیە لە دەوروبەری شارۆچکەی حەرەز. لەئێستادا ئۆپەراسیۆنی هاوپەیمانی سعودیە بۆ داگیرکردنی شارۆچکەی حەرەز ڕاگیراوە و هێزەکانی پشتیوانی ئەنساروڵڵا بۆ ئەو شارۆچکەیە گواستراوەتەوە.
٢- سەعدە:
-هێرشی قورسی هاوپەیمانی سعودیە بۆ سەر پێگەکانی ئەنساروڵڵا لە ئیدارەی ئەلسوفەرا لەلایەن ئەنساروڵڵاوە تێکشکا.
-بە هۆی هێرشە تۆپخانەییەکانی هاوپەیمانی سعودیە بۆ ئیدارەکانی منبە، ئەلشدا و سحار، ١١ کەسی سڤیل بریندار بوون.
٣- مارب:
-هێرشی ئەنساروڵڵا بۆ سەر پێگەکانی هاوپەیمانی سعودیە لە نزیک شارۆچکەی حەریب. هەندێک لە سەرچاوە خۆجێییەکان لە گەمارۆدانی هێزەکانی ئەلعمالقە لە حەریب هەواڵیان داوەتەوە.
٤- تەعەز:
هۆزەکانی ناوچەی حەیمە وەک پشتیوانیەک لە هەڵمەتی “گەردەلوولی یەمەن” کە جەخت لە بەرپەرچدانەوەی هاوپەیمانی سعودیە دەکات، گردبوونەوە و هێزە چەکدارەکانیان رەوانەی میحوەرەکانی شەڕ کرد.
٥- هێرشە ئاسمانییەکانی هاوپەیمانی سعودیە:
فڕۆکە جەنگییەکانی هاوپەیمانی سعودیە لە ماوەی ٤٨ کاتژمێری رابردوودا ٣٤ جار ناوچەکانی ژێر دەسەڵاتی ئەنساروڵڵا-یان بۆردومان کردووە.
٦- ئەلحودەیدە:
-هێزەکانی هاوپەیمانی سعودیە لە ماوەی ٤٨ کاتژمێری رابردوودا ٣٦٣ جار ئاگربەستیان لەم پارێزگایە پێشێل کردووە.
-بە هۆی تەقینەوەی مینێک لە رۆژھەڵاتی ئیدارەی ئەلتەحیەتا لە باشوری پارێزگای ئەلحودەیدە، سێ کەسی سڤیل گیانیان لەدەست دا.
٧- سەنعا:
دەیڤد گریسلی، ڕێکخەری کاروباری مرۆیی نەتەوە یەکگرتووەکان لە یەمەن، سەردانی کۆمپانیای پەیوەندیە نێودەوڵەتییەکانی “تیلیمن” دوای بۆردومان کردنی لەلایەن فڕۆکە شەڕکەرەکانی هاوپەیمانی سعودیە کرد.
لێدوانەکان