هێرشی موشەکی و درۆنی ئەنساروڵڵا بۆ سەر پێگەکانی هاوپەیمانی سعودیە لە باشوری سعودیە + ڤیدیۆ و وێنە
ئەنساروڵڵا بە چەندین موشەک و فڕۆکەی بێفڕۆکەوان، هێرشی کردە سەر پێگەکانی هاوپەیمانی سعودیە لە پارێزگاکانی جیزان و عسیر لە باشوری سعودیە.
هەواڵەکانی جیهانی ئیسلام؛ درەنگانی شەوی رابردوو و بەرەبەیانی ئەمڕۆ هێرش کرایە سەر پێگەکانی هاوپەیمانی سعودیە لە شاری “ظهران الجنوب”ی پارێزگای عسیر و چەند ناوچەیەک لە پارێزگای جیزانی سعودیە. بەوتەی سەرچاوەکانی سەر بە هاوپەیمانی سعودیە بە هۆی کەوتنە خوارەوەی چەند موشەکی ئەنساروڵڵا لە ناوچەکانی پیشەسازی لە “جیزان” و “ظهران الجنوب”، زیانێکی ماددی گەورە بەر ژمارەیەک کارگە و ئۆتۆمبێل کەوتووە. هەروەها دوو کەسی سودانی و بەنگلادیشی لەم هێرشەدا برینداربوون و تا ئێستا هیچ زیانێکی تر رانەگەینراوە.
ئەمە لەکاتێکدایە کە هاوپەیمانی سعودیە بانگەشەی پوچەڵکردنەوەی هێرشێکی دیکەی ئەنساروڵڵا لە ئاسمانی یەمەن دەکات و لە تێکشکاندنی دوو فڕۆکەی بێفڕۆکەوانی ئینتحاری لە ئاسمانی پارێزگای ئەلجوفی یەمەن هەواڵی دایەوە.
لێدوانەکان