هۆزەکانی ئەلعەبدیە هاوکاری ئەنساروڵڵا دەکەن
هەواڵەکانی جیهانی ئیسلام؛ دوای راگەیەندراوێکی سەرۆک هۆزەکانی مأرب بۆ پشتیوانیکردنی ئەنساروڵڵا لە میحورکانی شەڕ لە پارێزگاکانی شبوە و مأرب، هۆزەکانی ئیدارەی ئەلعەبدیە بڕیارێکی هاوشێوەیان دا.
بە ووتەی سەرچاوەیەکی مەیدانی “هەواڵەکانی جیهانی ئیسلام”، خەڵکی ئیدارەی ئەلعەبدیە لە باشوری پارێزگای مأرب لەگەڵ کۆکردنەوەی هاوکارییە دارایی و سەربازییەکانیان، ژمارەیکی زۆر لە کەسوکار و چەکدارەکانیان رەوانەی میحوەرەکانی شبوە و باکوری ئیدارەی حەریب کردووە.
ئەمڕۆ لە کۆبوونەوەیەک، ئەو هۆزانە پشتیوانی خۆیان بۆ سوپا و یەکینە جەماوەرییەکان لە بەرەنگاربوونەوەی هاوپەیمانی سعودیە دووپات کردەوە. “عەلی محەمەد تەعیمان” پارێزگاری مأرب ئامادەیی مەراسیمەکە بوو و ئازایەتی، خۆڕاگری و پێگەی ڕۆڵەکانی ئەلعەبدیەی بە بەرز نرخاند.
هاوکات شێخ “ئەحمەد ئەلسابتی” و شێخ “عەبدوڵڵا ئەلنەکیر” سەرۆک هۆزەکانی ئەلعەبدیە جەختیان لەوە کردەوە کە ناکۆکییەکانیان لە بیرکردووە و لەگەڵ سوپا و یەکینە جەماوەرییەکان بۆ بەرپەرچدانەوەی دەستدرێژییەکانی دوژمنانی یەمەن دەبن.
لە ١٥ی تشرینی یەکەمی ٢٠٢٠ و لە ئەنجامی ئۆپەراسیۆنی “ربیع النصر”، ئیدارەی ئەلعەبدیە لە ژێر کۆنترۆڵی هاوپەیمانی سعودیە ڕزگارکرا. ئیدارەی ئەلعەبدیە دەکەوێتە باشوری پارێزگای مأرب و ژمارەی دانیشتوانەکەی نزیکەی ١٥ هەزار کەسە. لیوای ئویس لەو هێزانەیە کە لە ناوەڕاستی مانگی تشرینی دووەمی ساڵی ڕابردووەوە بۆ میحوەرەکانی مأرب نێردراون.
لێدوانەکان