پێکدادانی سوپا و تاڵیبانی پاکستان گەیشتە ناو خاکی ئەفغانستان
سوپای پاکستان هێرشی کردە سەر حەشارگای فەرماندەیەکی تاڵیبانی پاکستان لە ڕۆژهەڵاتی ئەفغانستان.
هەواڵەکانی جیهانی ئیسلام؛ بە ووتەی سەرچاوە خۆجێییەکانی پارێزگای کۆنەر، سوپای پاکستان لە چەند ڕۆژی رابردوو، بە درۆن یان ڕۆکێت هێرشی کردووەتە سەر حەشارگای “فەقیر موحەمەد” سەرکردەیەکی گروپی تاڵیبانی پاکستان لە ناوچەی شلتنی سەر بە پارێزگای کۆنەر لە ئەفغانستان. لە ئەنجامی هێرشەکە ئەندامێکی ئەو گروپە کوژراوە و دووی دیکەش بریندار بوون.
“فەقیر محەممەد” فەرماندەیەکی باڵای گروپی تاڵیبانی پاکستانە کە لە ئێستادا جێگری سەرکردەی ئەو گروپەیە. ناوبراو ٨ ساڵ لەبەندیخانەی بەگرام بەسەربردووە و تۆمەتبارە بە ئەنجامدانی چەند کردەوەیەکی تیرۆریستی دژ بەحکومەتی پاکستان.
ئەم هێرشە وەک یەکەم هێرشی پاکستان بۆ سەر خاکی ئەفغانستان دادەنرێت دوای گرتنە دەستی دەسەڵاتی ئەفغانستان لەلایەن تاڵیبانەوە.
پێکدادانەکانی نێوان سوپای پاکستان و تاڵیبانی پاکستان دوای پێشێلکردنی ئاگربەست لەلایەن تاڵیبانی پاکستانەوە لە ١١ی کانوونی یەکەم زیادی کردووە. محەمەد خۆراسانی وتەبێژی تاڵیبانی پاکستان پێشتر بانگەشەی ئەوەی کردبوو کە هەشت هێرشی کوشندەیان کردووەتە سەر پێگە و هێزەکانی حکومەتی پاکستان.
تاڵیبانی پاکستان لە ڕێکەوتنی لەگەڵ حکومەتی عمران خان کشایەوە!
لێدوانەکان