ڕێکەوتنی ئاشتی ئەنساروڵڵا و هۆزەکانی ئەلیەتمە
هەواڵەکانی جیهانی ئیسلام؛ دوابەدوای کشانەوەی هێزەکانی هاوپەیمانی سعودیە لە ئەلیەتمە، ئەنساروڵڵا و هۆزەکانی ئەم هەرێمە بە بێ ململانێ رێککەوتن.
بەندەکانی ئەم ڕێککەوتننامەیە بەم شێوەیە:
١- شەڕڤانانی ئەنساروڵڵا ناچنە ناو شارۆچکەی ئەلیەتمە و کۆنتڕۆڵی ئەو ناوچانە ڕادەستی پیران و نوێنەرانی هۆزەکانی ئەلیەتمە دەکرێت.
٢- ئەو چەکانەی کە لە بنکەکانی هاوپەیمانی سعودیە لە ئەلیەتمە بەجێ ماوە بۆ پاراستنی ناوچەکە ڕادەستی هێزە چەکدارەکانی هۆزەکان دەکرێن.
٣- هۆزەکانیش بەڵێنیان داوە کە پەیڕەوی لە هاوپەیمانی سعودیە نەکەن و ڕێگری بکەن لە چوونی ئەو کەسانەی ژێر فەرمانی هاوپەیمانی سعودیە بۆ ناو ئەلیەتمە و بەکارهێنانی ناوچەکە لە دژی ئەنساروڵڵا.
لە ئێستادا شەڕ و پێکدادان لە ناوچەکانی باکوری پارێزگای ئەلجوف بەردەوامە، و ئەنساروڵڵا خەریکی جێگیر کردنی پێگەکانی لەو ناوچەیە.
لە ٤ی کانوونی یەکەمەوە شەڕ و پێکدادانەکانی نێوان هێزەکانی ئەنساروڵڵا و هاوپەیمانی سعودی لە باکوری پارێزگای ئەلجوف دەستیپێکرد و بە هێرشە ئاسمانییەکانی فڕۆکە جەنگییەکانی هاوپەیمانیەوە چڕتر بوونەوە. لە ١٦ی کانوونی یەکەم، ئەنساروڵڵا دەستی بە ئۆپەراسیۆنی ڕزگارکردنی ئەلیەتمە و بەرزاییەکانی دەوروبەری کرد، کە تا ئێستاش بەردەوامە.
بۆ گەورە کردنی نەخشەکە کلیکی لەسەر بکە.
لێدوانەکان