ئۆپەراسیۆنی ئیستشهادی لە قودس؛ کوژرانی سەربازێکی ئیسرائیلی + وێنە و ڤیدیۆ
بە پێی ڕاپۆرتی هەواڵەکانی جیهانی ئیسلام: لە ئۆپەراسیۆنێکی ئیستشهادیی دوو گەنجی فەڵەستینی لە گەڕەکی کۆنی قودسی داگیرکراو، سەربازێکی زایۆنیستی کوژرا و سێ دیکەش برینداربوون.
کاتژمێر ٩ بەیانی ئەمڕۆ، لە ئەنجامی هێرشی دوو گەنجی فەڵەستینی بۆ سەر ژمارەیەک لە سەربازانی ئیسرائیلی لە باب ئەلسلسلە (یەکێک لە دەروازەکانی مزگەوتی ئەقسا) ودروست بوونی شەڕ و پێکدادان، سەربازێکی ئیسرائیلی کوژرا و سێ سەربازی دیکەش بریندار بوون.
بە پێی زانیارییەکان یەکێک لە هێرشبەرە فەڵەستینییەکان لەلایەن پۆلیسی ڕژێمی ئیسرائیلەوە شەهید کراوە و ئۆپەراسیۆنی گەڕان بەدوای هێرشبەری دووەم لەلایەن ئەو رژێمەوە دەستیپێکردووە.
حازم قاسم، وتەبێژی حەماس لەمبارەیەوە رایگەیاند: ئەم شارە پیرۆزە تا دەرکردنی داگیرکەران بەردەوام دەبێت لە بەرخۆدان و لەبەرامبەر ئەم داگیرکاریە ناشرینە خۆبەدەستەوە نادات. گەنجانی شۆڕشگێڕ تا ئازادی خاک و پیرۆزییەکانی خۆیان درێژە بە خەباتی ڕەوای خۆیان دەدەن.
شایانی باسە، کە بەیانی ئەمڕۆ پێش ئەم ئۆپەراسیۆنەکە، دانیشتووانی زایۆنی بە پشتیوانی هێزە سەربازییەکانی ئیسرائیلی هێرشیان کرد بوو سەر مزگەوتی ئەقسا و فەلەستینیەکانی ئامادەبوو لەو مزگەوتەکەدا.
شەهید “فادی ابوشخیدم”
لێدوانەکان