تاڵیبان هەڕەشەی بەردەوامی شەڕی چەکداری لە ئەمریکا دەکات
تاڵیبان لە کاردانەوەی بەرامبەر بە لێدوانەکانی سەرۆک کۆماری ئەمریکا و پاشگەزبوونەوەی لە کشانەوەی هێزەکانی ئەم وڵاتە لە ئەفغانستان لە وادەی دیاریکراو، هەڕەشەی ئەوەیکردووە کە شەڕی چەکداری لە دژی هێزە بێگانەکان دەست پێدەکاتەوە.
تاڵیبان لە کاردانەوەی بەرامبەر بە لێدوانەکانی سەرۆک کۆماری ئەمریکا و پاشگەزبوونەوەی لە کشانەوەی هێزەکانی ئەم وڵاتە لە ئەفغانستان لە وادەی دیاریکراو، هەڕەشەی ئەوەیکردووە کە شەڕی چەکداری لە دژی هێزە بێگانەکان دەست پێدەکاتەوە.
تاڵیبان ڕایگەیاندووە کە ئەگەر ئەمریکا بە پێی ڕێکەوتنی قەتەر و لە ماوەی دیاریکراو هێزەکانی لە ئەفغانستان نەکشێنێتەوە، ڕوبەڕوی شەڕی چەکداری دەبێتەوە.
تاڵیبان داوای لە سەرۆک کۆماری ئەمریکا کردووە کە ئەم دەرفەتە مێژووییە بۆ کۆتایی هاتنی شەڕ لە ئەفغانستان لە دەست نەدات.
بە پێی ڕاگەێندراوێکی گرووپی تاڵیبان، پاشگەزبوونەوەی بایدن لە کشانەوەی هێزەکانی لە ئەفغانستان زیان بە پێگەی نێودەوڵەتی ئەمریکا دەگەێنێت.
جۆبایدن لە یەکەم کۆنگرەی ڕۆژنامەوانی خۆی لە پاش وەرگرتنی پۆستی سەرۆکایەتی کۆماری ئەمریکا ڕایگەیاندووە کە بە هۆکاری تەکنیکی و زۆر دژوار، پابەندی وادەی دیاریکراو بۆ کشانەوەی هێزەکانی ئەمریکا لە ئەفغانستان نابێت.
سەرۆک کۆماری ئەمریکا هەروەها ڕایگەیاندووە کە وڵاتەکەی نایەوێت بۆ ماوەیەکی زۆر لە ئەفغانستان بمێنێتەوە بەڵام کشانەوەی هێزەکان دەبێت لە سەر بەرنامە و پارێزراو بێت.
جام کوردی
لێدوانەکان