وێنەی فەرماندەی ئۆکراینی بە لۆگۆی داعش + ڤیدیۆ
هەواڵەکانی جیهانی ئیسلام؛ لە وێنەی بڵاوکراوەی فەرماندەیەکی ئۆکراینیدا، لەسەر قۆڵی چەپی هێمایەکی پەیوەندیدار بە داعشەوە دەبینرێت.
ئەسۆشێتد پرێس زنجیرەیەک وێنە و گرتەیەکی ڤیدیۆیی بڵاوکردەوە کە وادیارە چەند چەکدارێکی کیێڤ لە بەرەکانی پێشەوەی ناوچەی دۆنێتسکدا دەردەکەون. لە یەکێک لەو وێنانەدا، سەربازێک کە ئەم ئاژانسە ئەمریکییە وەک فەرماندەی یەکەیەکی ئۆکراینی بە ناوی کورت ناو بردووە، بە هێمای داعش لەسەر قۆڵی چەپیدا دەبینرێت.
بەگوێرەی ڕاپۆرتی ڕەشا تۆدی، ئەمە یەکەمجار نییە کە هێزە سەربازی و میلیشیاکانی سەر بە کیێڤ بە هێمای توندڕەوەکان و تاتۆی نازییەوە ببینرێن. بەپێی ڕاپۆرتەکە، ئەو کەسانە زۆرجار بە شێوەیەکی تایبەت پەیوەندییان بە ڤۆلۆدیمیر زێلێنسکی سەرۆکی ئۆکرانیاوە هەبووە. سەرەتای ئەم هەفتەیە زێلێنسکی لە تۆڕی کۆمەڵایەتی ئینستاگرام چەند وێنەیەکی سەربازانی کیێڤی بڵاوکردەوە، کە لە یەکێک لەو وێنانەدا هێمایەکی نازی لەسەر قۆڵی سەربازێک دەبینرێت.
کیێڤ بوونی نازییەکانی لە سوپای ئۆکرانیا ڕەتدەکاتەوە و بە پڕوپاگەندەی ڕووسیا ناوی دەبات. بەڵام مۆسکۆ چەندین جار ڕایگەیاندووە کە کیێڤ پێشوازی لەو چەکدارانە دەکات کە تێڕوانینی نیونازی و توندڕەوی ناسیۆنالیستییان هەیە. یەکێک لەو نموونانە یەکخستنی فەوجە بەدناوەکەی ئازۆفە لەگەڵ پاسەوانی نیشتمانی ئۆکرانیا.
لێدوانەکان