مانگرتنی ٥٠ کۆمپانیای ئیسرائیلی وەک ناڕەزایەتییەک بەرامبەر گۆڕانکاری لە سیستەمی دادوەری

کەناڵی ١٢ی تەلەڤزیۆنی ڕژێمی زایۆنیستی ڕایگەیاند کە خۆپیشاندانی مانگرتن و ناڕەزایەتی لە بەردەم بینای کنێست لە قودسی داگیرکراو هاوکات لەگەڵ کۆبوونەوەی لێژنەی وەزاری بۆ یاسادانان بەڕێوە دەچێت کە بڕیارە بۆ تاوتوێکردنی ڕەشنووسی یاسا پێشنیار کراوەکان بۆ گۆڕانکاری لە سیستەمی دادوەری ئەنجام بدرێت.

لە نێو ئەو کۆمپانیایانەدا کە نیازی بەشداریکردنیان لەم مانگرتنەدا ڕاگەیاندووە، سندوقی TLV Partners ـە کە پاسی بێبەرامبەر بۆ هاتوچۆی کرێکاران و فەرمانبەرانی ئامادەبوو لەم مانگرتنەدا دابین دەکات. ھەروەھا کۆمپانیای Lemonade ڕێگە بە کارمەندەکانی دەدات کە بەشداری لەم مانگرتنەدا بکەن و ئۆتۆمبێلی پێویست بۆ گواستنەوەیان بۆ شوێنی گردبوونەوەکە دابین دەکات.

لەنێو کۆمپانیاکانی دیکە کە ئامادەیی خۆیان بۆ بەشداریکردن لە مانگرتنی دووشەممەی داهاتوو ڕاگەیاندووە بریتین لە: کۆمپانیای Natural Intelligence، Apsplayer، CheQ cyber company، Iron Sars، Hello Heart، Trigo، SKAI، AirViz Drones، INX، Algosk، Sorbet و دەیان کۆمپانیای چالاک لە بواری بەرنامەنووسی و تەکنەلۆژیای گرنگی تر.