دووەم ئۆپەراسیۆنی دژە زایۆنی لە قودسی داگیرکراو لە ماوەی ٢٤ کاتژمێردا + ڤیدیۆ
هەواڵەکانی جیهانی ئیسلام؛ لە ئەنجامی ئۆپەراسیۆنی چەکداری فەلەستینییەک لە ناوچەی سێلوان لە قودسی داگیرکراو، دوو زایۆنیست بریندار بوون.
هەرزەکارێکی فەلەستینی تەمەن ١٣ ساڵ لە ناوچەی سێلوان لە قودسی داگیرکراو تەقەی لە کۆمەڵێک لە ئیسرائیلییەکان کرد و بە پێی زانیارییە سەرەتاییەکان لەم ئۆپەراسیۆنەدا دوو زایۆنی بریندار بوون. باس لەوە دەکرێت کە ڕەوشی یەکێک لە بریندارەکان ناجێگیرە.
تا ئێستا هیچ زانیارییەک لەسەر بارودۆخی ئەنجامدەری ئۆپەراسیۆنەکە لەبەر دەستدا نییە، بەڵام هەندێک لە سەرچاوە عیبری زمانەکان باسیان لەوە کردۆتەوە کە ناوبراو لەلایەن سەربازانی ئیسرائیلەوە شەهید کراوە. بە پێی ئەو گرتە ڤیدیۆ و وێنانەی کە لە شوێنی ڕووداوەکەوە بڵاوکراونەتەوە، پێدەچێت ئەنجامدەری ئۆپەراسیۆنەکە پاش برینداربوونی لەلایەن هێزە ئەمنییەکانی ڕژێمی زایۆنیستیەوە دەستبەسەر کرابێت.
چەند خولەکێک دوای ئۆپەراسیۆنەکە، حازم قاسم، وتەبێژی حەماسی فەلەستینی ڕایگەیاند؛
ئۆپەراسیۆنی دژە زایۆنی لە ناوچەی سێلوان لە قودسی داگیرکراو، پشتڕاستکردنەوەی بەردەوامی ئۆپەراسیۆنەکانی خۆڕاگرییە لە سەرانسەری ناوچە داگیرکراوەکان و لە وەڵامێکە بۆ تاوانەکانی ڕژێمی داگیرکەری ئیسرائیل دژی گەل و شوێنە پیرۆزەکان، و شەڕی دژی داگیرکەران تا بەدیهاتنی ئامانج و ئازادی و سەربەخۆیی نەتەوەکەمان بەردەوام دەبن.
ئەم ئۆپەراسیۆنە لەکاتێکدایە کە میدیاکانی عیبری چەند کاتژمێر لەمەوبەر ڕایانگەیاند کە دوابەدوای ڕووداوەکەی شەوی ڕابردووی قودس، سەرۆکی پۆلیسی ڕژێمی زایۆنی ئاستی ئامادە باشی ئەو هێزانەی بۆ بەرزترین ئاست بەرز کردۆتەوە.
شایانی باسە کە ئەمە دووەم ئۆپەراسیۆنی دژە زایۆنییە لە قودسی داگیرکراو لە ماوەی ٢٤ کاتژمێری ڕابردوودا. ئێوارەی ڕابردوو لە ئەنجامی ئۆپەراسیۆنی چەکداریی گەنجێکی تەمەن ٢١ ساڵانی فەلەستینی بە ناوی “علقم خیری” ٨ زایۆنی کوژران و زیاتر لە ١٠ی دیکەش بریندار بوون.
لێدوانەکان